تین حلقوں کے ضمنی انتخابات کیلئے پوسٹل بیلٹ درخواستوں کی تاریخ یکم ستمبر مقرر

?️ 12 اگست 2025

اسلام آباد (سچ خبریں) الیکشن کمیشن نے تین حلقوں کے ضمنی انتخابات کیلئے پوسٹل بیلٹ درخواستوں کی آخری تاریخ یکم ستمبر مقرر کر دی۔

الیکشن کمیشن کے ترجمان کے مطابق این اے 66 وزیرآباد، این اے 129 لاہور۔XIII اور پی پی 87 میانوالی۔III میں پوسٹل بیلٹ سہولت دستیاب ہوگی، سرکاری ملازمین، فوجی افسران و جوان اور ان کے اہل خانہ پوسٹل بیلٹ کے اہل ہوں گے۔

ترجمان کا کہنا تھا کہ معذور افراد، قیدی اور جیل میں زیر حراست افراد بھی پوسٹل بیلٹ کے حق دار قرار دیے گئے ہیں، الیکشن ڈیوٹی پر مامور افراد اور پولیس اہلکار بھی پوسٹل بیلٹ کی سہولت حاصل کر سکیں گے، ڈیوٹی پر مامور افراد 3 دن کے اندر پوسٹل بیلٹ درخواست جمع کرائیں۔

الیکشن کمیشن کے ترجمان کا مزید کہنا تھا کہ فارم الیکشن کمیشن ویب سائٹ سے ڈاؤن لوڈ کیا جا سکتا ہے، پوسٹل بیلٹ لینے والا ووٹر پولنگ سٹیشن پر ووٹ نہیں ڈال سکے گا، درخواست ووٹر کے متعلقہ دفتر یا محکمہ کی تصدیق شدہ ہونی ضروری قرار دی گئی۔