سربراہ حق دو تحریک نے اداروں میں ’مداخلت‘ کیخلاف دھرنا دینے کی دھمکی دے دی

?️

گوادر: (سچ خبریں) گوادر سے تعلق رکھنے والے ممبر صوبائی اسمبلی اور حق دو تحریک (ایچ ڈی ٹی) کے رہنما مولانا ہدایت الرحمٰن نے دھمکی دی ہے کہ اگر سرکاری معاملات میں فوجی افسران کی مبینہ مداخلت بند نہ ہوئی تو 5 ستمبر سے کوسٹل ہائی وے پر دھرنا دیں گے۔

میڈیا رپورٹس  کے مطابق ہفتہ کو کوئٹہ میں ایک پریس کانفرنس سے خطاب کرتے ہوئے ہدایت ارحمن نے دعویٰ کیا کہ فوجی افسران ان کے حلقے میں تعلیم، صحت، پبلک ہیلتھ انجینئرنگ اور پانی سمیت مختلف سرکاری محکموں کے معاملات چلا رہے ہیں۔

انہوں نے دعویٰ کیا کہ کرنل اور بریگیڈیئر رینک کے افسران اپنے آبائی علاقے سوربندر میں گرلز اسکول میں اپنے من پسند لوگوں کو ہیڈ مسٹریس کے عہدے پر تعینات کرنے کے لیے محکمہ تعلیم میں مداخلت کر رہے ہیں۔

حق دو تحریک کے رہنما نے کہا کہ سیکیورٹی پر سالانہ 180 ارب روپے کے اخراجات کے باوجود امن و امان کی صورتحال ابتر ہے۔

ان کا کہنا تھا کہ لوگوں کی عزت، جان اور مال محفوظ نہیں، اور سیکویرٹی فورسز امن بحال کرنے اور قتل و غارت کو روکنے میں ناکام رہی ہیں۔

انہوں نے دعویٰ کیا کہ اب وہ سیاست، ضلعی انتظامیہ اور دیگر محکموں میں مداخلت کر رہے ہیں، سیاستدانوں کو اپنا کام کرنے دیا جانا چاہیے۔

مولانا ہدایت الرحمٰن نے کہا کہ وہ ’فارم 47‘ نہیں بلکہ گوادر کے عوام کے حقیقی نمائندے ہیں، میں عوام کے حقوق پر کسی صورت سمجھوتہ نہیں کروں گا۔

مولانا ہدایت الرحمٰن کے مطابق، دیگر سیاسی جماعتیں بھی ان کے دھرنے کی حمایت کریں گی، جو اس وقت تک جاری رہے گا جب تک ان کے مطالبات نہیں مانے جاتے جن میں سرکاری محکموں میں فوج کی مداخلت، بجلی کی بحالی، ٹرالر مافیا سے نمٹنے اور بے روزگاری کا خاتمہ کرنا شامل ہیں۔

انہوں نے دعویٰ کیا کہ گوادر کا 70 فیصد پانی ٹرالر مافیا کے کنٹرول میں ہے جو 200 سے 250 ارب روپے کی مچھلیاں چوری کر کے سمندری ماحولیاتی نظام کو تباہ کر رہا ہے۔

انہوں نے الزام لگایا کہ کہ ٹرالر مافیا نے مقامی ماہی گیروں کو بے سہارا کر دیا ہے اور حکومت کو بار بار مطلع کرنے کے باوجود اس نازک مسئلے پر کوئی توجہ نہیں دی گئی۔

مشہور خبریں۔

فلسطینی سب سے مظلوم قوم ہیں: نصراللہ

?️ 14 جولائی 2024سچ خبریں: ماہ محرم کی مناسبت سے خطاب کرتے ہوئے سید نصر

سعودی عرب امریکہ میں ایک کھرب ڈالر کی سرمایہ کاری کرنے والا ہے:ٹرمپ 

?️ 1 اپریل 2025 سچ خبریں:امریکی صدر ڈونلڈ ٹرمپ نے کہا ہے کہ ان کا

جانسن کے کیف کے عجلت میں سفر کے دوران یوکرین کو برطانوی فوج کی پیشکش

?️ 18 جون 2022سچ خبریں:   برطانوی وزیر اعظم بورس جانسن نے جمعہ کی شام یوکرین

اسرائیل کی معیشت کو حزب اللہ کا جھٹکا

?️ 24 جنوری 2024سچ خبریں:لبنان کی اسلامی مزاحمت، جس نے غزہ کے عوام کی مدد

توشہ خانہ، 190 ملین پاؤنڈ کیس: عمران خان کی جیل ٹرائل کیخلاف درخواستوں پر فیصلہ محفوظ

?️ 24 جنوری 2024اسلام آباد: (سچ خبریں) اسلام آباد ہائیکورٹ نے بانی پی ٹی آئی

صیہونیوں کا مغربی پٹی پر حملہ

?️ 25 جون 2021سچ خبریں:اسرائیلی فورسز نے آج صبح مغربی کنارے کے مختلف علاقوں میں

یمن کی میزائل قوت اور امریکہ و اسرائیل کی صنعاء کے سامنے بے بسی  

?️ 13 مارچ 2025 سچ خبریں:روسی عسکری جریدے کی رپورٹ کی رپورٹ کے مطابق امریکہ

غزہ جنگ کے بڑھتے اخراجات اور غیر یقینی نتائج؛صیہونی ماہرین کا انتباہ

?️ 16 نومبر 2024سچ خبریں:اسرائیلی سیاسی اور عسکری ماہرین نے تل ابیب کو خبردار کیا

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے