خیبرپختونخوا حکومت نیشنل ایکشن پلان پر عمل نہیں کررہی۔ عابد شیر علی

?️ 25 فروری 2026

اسلام آباد (سچ خبریں) پاکستان مسلم لیگ (ن) کے سینئر رہنما و سینیٹر عابد شیر علی نے کہا ہے کہ خیبر پختونخوا حکومت نیشنل ایکشن پلان پرعمل نہیں کررہی ہے۔

عابد شیر علی کا کہنا تھا کہ اگر بانی پی ٹی آئی بیمار ہیں تو اللہ انہیں صحت دے، ہم اُن کی طرح کسی کی بیماری کا مذاق نہیں اُڑائیں گے۔ اُنہوں نے کہا کہ بانی پی ٹی آئی کو کوئی بیماری نہیں ہے، نوازشریف جب جیل میں تھے تو ملاقاتوں پر پابندی تھی، ہم سیاسی انتقام پریقین نہیں رکھتے، پی ٹی آئی والےخود ہی اپنے قائد کو بیمار کرنے لگے ہوئے ہیں۔

رہنما مسلم لیگ ن کا کہنا تھا کہ پی ٹی آئی دور میں سیاسی مخالفین کو نشانہ بنایا گیا، سوشل میڈیا پر اداروں کے خلاف زہر اُگلا جا رہا ہے، خیبرپختونخوا حکومت نے نیشنل ایکشن پلان پر عمل نہیں کیا۔ عابد شیرعلی نے مزید کہا کہ پی ٹی آئی دور میں طالبان کو جیلوں سے رہا کروایا گیا۔