بھارت کی سیاسی قیادت سے جنگ بندی ہضم نہیں ہورہی۔ نائب وزیراعظم اسحاق ڈار

?️ 12 جولائی 2025

اسلام آباد (سچ خبریں) نائب وزیراعظم اسحاق ڈار نےکہا بھارت کی سیاسی قیادت سے جنگ بندی ہضم نہیں ہورہی، فورسز کی سطح پر سیز فائر ٹھیک چل رہا ہے، دونوں ملکوں کی فوجیں اپنی پوزیشنز پر واپس آچکیں۔

تفصیلات کے مطابق اسحاق ڈار نے کوالالمپور میں پاکستانی کمیونٹی سے خطاب میں کہا پہلگام واقعہ ہوا تو ہم نے آزادانہ اور شفاف انکوائری کی آفر کی، ہمارے ہاتھ صاف تھے، آج تک اس آفر کا جواب نہیں دیا گیا، پاکستان کے بارے میں کہا جاتا تھا کہ ڈپلومیٹکلی آئسولیٹ کردیا گیا، 22 اپریل سے 6 مئی کی رات تک 29 ممالک کے دارالحکومتوں سے بات کی، ہم نے کہا بھارت والے غلط بیانی کررہے ہیں، پاکستان پہلگام میں ملوث نہیں ہے۔

ذرائع کے مطابق اسحاق ڈار نے کہا بھارت نے 6 مئی کی رات کو 75 سے 80 جیٹس بھیجے تو ہم تیار تھے، ہدایات تھیں کہ اگر بھارتی جیٹس پاکستانی حدود میں داخل نہیں ہوتے تو ٹارگٹ نہیں کرنا، اگر جو جہاز پاکستان کو وہاں سے نشانہ بنائے تو ان کو نشانہ بنانا ہے، پاکستان نے 6 بھارتی جہازوں کو گرایا، 4 رافیل تھے، ایس یو 30، مگ اور ایک ان مین آرمڈ بھی گرا۔

انہوں نے کہا کہ ہم نے دہشتگردوں کے لیے جیلوں کے دروازے کھولے، ماننا پڑے گا کہ دوبارہ دہشتگرد منظم ہوئے ہیں، دہشتگردی کے خاتمے کیلئے پر عزم ہیں، جو کچھ کرنا پڑے گا تو کریں گے۔