بھارت مقبوضہ کشمیر میں انسانی حقوق کی سنگین خلاف ورزیاں کررہاہے:و زیر خارجہ

?️ 4 اگست 2021

اسلام آباد(سچ خبریں) وزیرخارجہ شاہ محمود قریشی کا کہنا ہے کہ مطالبہ کیا ہے کہ بھارت مقبوضہ کشمیر میں انسانی حقوق کی سنگین خلاف ورزیاں کررہاہے بھارت کیساتھ امن چاہتے ہیں مگریہ کشمیریوں کی قربانی کی قیمت پرنہیں ہوگا۔بھارتی رویے سے عالمی امن کو خطرہ ہے۔

تفصیلات کے مطابق وزیرخارجہ شاہ محمود قریشی نے کشمیر سیمینار سے خطاب کرتے ہوئے کہا بھارت مقبوضہ کشمیر میں انسانی حقوق کی سنگین خلاف ورزیاں کررہاہے، عالمی اداروں کومقبوضہ کشمیر میں بھارتی جارحیت کا نوٹس لیناچاہیے۔

شاہ محمود قریشی کا کہنا تھا کہ مسئلہ کشمیر عالمی سطح پر بھرپوراندازمیں اجاگرکیا، حکومت پاکستان کشمیریوں کی اخلاقی ،سفارتی حمایت جاری رکھے گا۔وزیرخارجہ نے کہا کہ مسئلہ کشمیر اقوام متحدہ کی قراردادوں کے مطابق حل ہوناچاہیے، عالمی برادری بھارت پردباو ڈالے کہ کشمیریوں کیساتھ انسانی سلوک کرے اور بھارت یک طرفہ اقدامات کالعدم قرار دے۔

ان کا کہنا تھا کہ بھارت ریاستی جبر و دہشت گردی کے تمام ہتھکنڈے ختم کرے اور قراردادوں کے مطابق کشمیریوں کواستصواب رائےکاحق دے، معزز خواتین وحضرات ، اس طرح وہ خنجر نکالنا ممکن ہوگا جو بھارت نے دوطرفہ تعلقات ،علاقائی امن کے سینے میں خنجرپیوست کررکھا ہے۔

شاہ محمود قریشی نے کہا کہ بھارت رویے کے سبب عالمی امن وسلامتی کو خطرات لاحق ہیں، پاکستان جیو پولیٹکس سے توجہ جیواکنامکس کی طرف موڑنا چاہتا ہے، بھارت کیساتھ امن چاہتے ہیں مگریہ کشمیریوں کی قربانی کی قیمت پرنہیں ہوگا۔وزیرخارجہ کا کہنا تھا کہ امید ہے بھارتی قیادت شہرت کے رویے سےہٹ کرریاستی مدبرکارویہ اپنائےگی، ملکر دیرینہ مسئلے کو منصفانہ طورپر حل کرکے انتہا پسند نظریہ کو کمزور کرسکتے ہیں۔