افغانی ہسپتال پر حملے کا دعوی وہ کررہے جو مساجد کو نشانہ بناتے رہے۔ وزیر دفاع

?️ 17 مارچ 2026

اسلام آباد (سچ خبریں) وزیر دفاع خواجہ آصف کا افغان طالبان رجیم کے الزامات پر وزیر دفاع خواجہ آصف کا ردعمل سامنے آگیا۔

سوشل میڈیا پلیٹ فارم ایکس پر خواجہ آصف کا اپنے بیان میں کہنا تھا کہ اپنی 78 سالہ تاریخ میں پاکستان نے کئی غلطیاں کی ہیں، لیکن افغانوں کی طویل مہمان نوازی سب سے بڑی غلطی تھی، اور اللہ ہمیں اس کی معافی دے۔

انہوں نے کہا کہ پاکستان کی طرف سے افغانستان کے ہسپتال پر حملے کا دعویٰ ان لوگوں کی جانب سے سامنے آ رہا ہے جو خود مسجدوں پر حملے کرواتے، سر بسجود نمازیوں کو شہید کرتے، عام شہری، بازار اور سکول نشانہ بناتے اور معصوم بچوں کو خون میں نہلاتے ہیں۔

وزیر دفاع نے مزید کہا کہ منشیات کی سمگلنگ اور ریاست پر حملے کرنے والے وہی لوگ ہیں جنہیں پاکستان پچاس سال سے پناہ دیتا رہا، مگر جنہوں نے وعدے کیے، وہ ان کے احترام نہیں کرتے اور اربوں روپے کی کمٹمنٹ پوری کرنے کے لیے تاوان طلب کرتے ہیں۔