مشرق وسطیٰ کی جنگیں جھوٹ پر مبنی ہیں: برازیل کے صدر

سچ خبریں:برازیل کے صدر لوئس اناسیو لولا دا سلوا نے پروگریسو موبلائزیشن کی پہلی نشست میں اپنی تقریر کے دوران کہا کہ مشرق وسطیٰ کی جنگیں جھوٹوں اور من گھڑت بہانوں کی بنیاد پر شروع کی گئی ہیں۔

انہوں نے اس تقریر میں زور دے کر کہا کہ یہ بات عراق جنگ پر بھی صادق آتی ہے، جو 2003 میں اس وقت کے امریکی صدر جارج ڈبلیو بش کی قیادت میں شروع ہوئی تھی۔ یہ وہی جنگ تھی جسے اجتماعی تباہی پھیلانے والے

ہتھیاروں کے وجود کے دعوے کے ذریعے جائز قرار دیا گیا تھا۔

لولا نے 2011 میں لیبیا پر ہونے والے فوجی حملے کا بھی حوالہ دیا اور اسے جھوٹے بیانیوں پر مبنی جنگوں کی ایک اور مثال قرار دیا۔ انہوں نے مزید کہا کہ غزہ میں اسرائیل کی فوجی جارحیت اور لبنان پر بمباری بھسی اسی زمرے میں آتی ہے، اور انہیں تشدد کے تسلسل اور جھوٹے دعوؤں پر مبنی پالیسیوں کی عملی صورت قرار دیا۔

برازیل کے صدر نے اپنی تقریر کے ایک حصے میں سوال کرتے ہوئے کہاکہ  اور اب امریکہ کی جانب سے ایران پر حملے کی باتیں کی جا رہی ہیں، یہ کس بنیاد پر؟