افغانستان سے دہشت گردوں کی سکیورٹی فورسز پر فائرنگ

آئی ایس پی آرکا کہنا ہے کہ بہادرجوانوں کی قربانیاں ہمارےعزم کومزیدمضبوط کرتی ہیں جبکہ پاک فوج دہشت گردی کےخاتمےکےلیےپرعزم ہے۔ پاکستان نے مطالبہ کیا ہے کہ افغان حکومت دہشت گردوں کو ایسی سرگرمیوں سےروکنےکےلیےاقدامات کرے۔ یاد رہے کہ اس سے قبل بلوچستان کے علاقے آواران کے قریب کاہان میں سیکیورٹی فورسز اور دہشت گردوں میں جھڑپ ہوئی ہے۔
پاک فوج کے شعبہ تعلقات عامہ آئی ایس پی آر کے مطابق دہشت گردوں نے سیکیورٹی فورسز کی چوکی کو نشانہ بنایا۔آئی ایس پی آر کے مطابق سیکیورٹی فورسز کی بروقت کارروائی سے دہشتگرد پسپا ہو کر فرار ہو گئے۔میجر شاہد بشیر بہادری سے لڑتے ہوئے شہید ہوگئے جبکہ ایک سپاہی زخمی ہوگیا۔سیکیورٹی فورسز بلوچستان کا امن سبوتاژ کرنے کی کوشش ناکام بنانے کے لیے پرعزم ہیں۔