اسحٰق ڈار اگلے ہفتے واشنگٹن میں آئی ایم ایف، عالمی بینک کے اجلاس میں شرکت کریں گے

?️

اسلام آباد:(سچ خبریں) وفاقی وزیرخزانہ اسحٰق ڈار اگلے ہفتے واشنگٹن میں عالمی بینک اور عالمی مالیاتی ادارہ (آئی ایم ایف) کے اجلاس میں پاکستان کی نمائندگی کریں گے جہاں پاکستان کو آئی ایم ایف سے پیکج کی بحالی کے لیے مہم چلانے کا موقع میسر ہوگا۔

سفارتی ذرائع نے بتایا کہ ’وزیرخزانہ مالی رکاوٹوں کی وجہ سے ایک مختصر وفد کے ہمراہ آئیں گے لیکن سیکریٹری خزانہ اور گورنر اسٹیٹ بینک بھی ممکنہ طور پر ان کے ساتھ ہوں گے‘۔

عالمی بینک اور آئی ایم ایف نے اعلان کیا تھا کہ 10 اپریل سے 16 اپریل تک واشنگٹن میں ان کے ہیڈکوارٹرز پر ’براہ راست‘ ملاقاتیں ہوں گی۔

اجلاس کے لیے آئی ایم ایف کا بورڈ آف گورنرز بھی واشنگٹن میں جمع ہوگا تاہم بورڈ سالانہ اجلاس میں دو طرفہ پیکج کے حوالے سے مشاورت نہیں کرے گا بلکہ وہ رکن ممالک کو اپنے پیکج کے لیے مہم کا موقع فراہم کریں گے۔

عالمی بینک کے اعلان میں کہا گیا تھا کہ اجلاس میں تمام رکن ممالک کے وزرائے خزانہ، ان کے مرکزی بینکوں کے سربراہان، اراکین پارلیمان، نجی شعبے کے نمائندے اور ماہرین تعلیم بھی شرکت کریں گے اور عالمی معیشت کو درپیش خطرات پر تبادلہ خیال کریں گے۔

اس کے علاوہ دیگر مالی اداروں کے نمائندے بھی اجلاس میں شریک ہوں گے۔

پاکستان کے لیے خاص کر یہ موقع اہم ہے جیسا کہ آئی ایم نے پاکستان کو گزشتہ ہفتے کہا تھا کہ دیگر شراکت داروں سے قرضوں کی یقین دہانی کروائیں تاکہ آئی ایم ایف فنڈ کی بحالی کا موقع ملے۔

آئی ایم ایف کے ڈائریکٹر اسٹریٹجک کمیونیکیشنز جولی روزیک نے گزشتہ ہفتے واشنگٹن میں نیوز بریفنگ کے دوران کہا تھا کہ آئی ایم ایف اور پاکستانی حکام تاحال پالیسیوں پر مذاکرات کر رہے ہیں تاکہ پاکستان کے لیے توسیعی فنڈ کی سہولت کا نواں جائزہ مکمل کیا جائے۔

ڈان کو سرکاری ذرائع نے مارچ میں بتایا تھا کہ پاکستان میں سیاسی صورت حال بھی آئی ایم ایف سے معاہدے میں تاخیر کا ایک سبب ہے جو قومی معیشت کا مستحکم کرنے میں مدد دے سکتی ہے۔

آئی ایم ایف بھی بہار اجلاس میں اپنا عالمی معیشت کا جائزہ پیش کرے گا۔

مشہور خبریں۔

مسلمانوں کے خلاف نفرت پھیلانے میں سیاستدانوں کا جرم بھاری ہے: عرب پارلیمنٹ

?️ 7 جون 2022سچ خبریں:   عرب پارلیمنٹ نے اسلام کی علامتوں اور مقدسات کی توہین

شمالی غزہ میں صیہونی مظالم کے 100 دن کے ہولناک اعدادوشمار

?️ 12 جنوری 2025سچ خبریں: غزہ کی پٹی میں سرکاری انفارمیشن آفس نے شمالی غزہ

صیہونیوں کی خلیجی ممالک کے ساتھ مل کر ایران مخالف اتحاد تشکیل دینے کی کوشش

?️ 3 مارچ 2021سچ خبریں:صیہونی حکام خلیج فارس کے تین عرب ممالک کے ساتھ ملک

مشہور انگریزی اسکرین رائٹر نے غزہ کے ساتھ اپنی یکجہتی کا اظہار کیا

?️ 23 فروری 2024سچ خبریں:پال لاورٹی نے اتوار کو برٹش اکیڈمی فلم ایوارڈز بافٹا میں

گینگ آف تھری کی توسیع کی وجہ سے سارا ملک داؤ پر لگا ہوا ہے، عمران خان

?️ 25 ستمبر 2024راولپنڈی: (سچ خبریں) پاکستان تحریک انصاف کے قائد عمران خان کا کہنا ہے کہ سپریم کورٹ میں

علیمہ خان کا اسلام آباد ہائیکورٹ کے قائم مقام چیف جسٹس پر تحفظات کا اظہار

?️ 25 مارچ 2025اسلام آباد: (سچ خبریں) بانی پی ٹی آئی عمران خان کی ہمشیرہ

ترکی میں احمد الشرع کے امریکی نمائندے کے ساتھ مذاکرات کی تفصیلات

?️ 25 مئی 2025سچ خبریں: سوریہ کے صدارتی دفتر نے ایک بیان جاری کرتے ہوئے

ملک عدنان کے لئے وزیر اعظم کا بڑا اعلان

?️ 5 دسمبر 2021لاہور(سچ خبریں) تفصیلات کے مطابق وزیراعظم عمران خان نے سیالکوٹ واقعے میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے