ادھوری پرنٹنگ والے نوٹوں کی ویڈیو سوشل میڈیا پر وائرل، اسٹیٹ بینک کا تحقیقات کا اعلان

?️

اسلام آباد: (سچ خبریں) سوشل میڈیا پر ادھوری پرنٹنگ والے نوٹوں کی ویڈیو وائرل ہونے پر صارفین میں تشویش کی لہر دوڑ گئی جس پر اسٹیٹ بینک آف پاکستان نے تحقیقات کا اعلان کردیا۔

میڈیا رپورٹس  کے مطابق مبینہ طور پر ایک بینک کے عملے کی جانب سے بنائی گئی ایک ویڈیو میں ایک شخص کو دیکھا گیا ہے جو خود کو ماڈل کالونی میں واقع نیشنل بینک آف پاکستان (این بی پی) کی برانچ کا منیجر بتاتا ہے، اسے ہزار روپے کے 2 نوٹ تھامے دیکھا جا سکتا ہے جن کی ایک سائیڈ پرنٹ شدہ جبکہ دوسری سائیڈ بالکل خالی ہے۔

انہوں نے کہا کہ مجھے نہیں معلوم کہ کتنے بنڈل پہلے ہی بھیجے جا چکے ہیں، یہ ایک صارف نے واپس کیے جس سے ہمیں اس بارے میں معلوم ہوا۔

پھر وہ ایک میز پر کیمرا زوم کرتا ہے جہاں ایک اور بینک ملازم بیٹھ کر بنڈل میں کرنسی نوٹوں کا معائنہ کرتا دیکھا گیا، جیسے ہی اس نے نوٹوں کو پلٹنا شروع کیا تو چوتھے نوٹ کا پچھلا حصہ بالکل کورا نکلا۔

برانچ مینیجر نے ویڈیو میں کہا ہر پیکٹ میں اس طرح کے کم از کم 2 نوٹ موجود ہیں۔

یہ ویڈیو سوشل میڈیا پر وائرل ہوگئی اور صرف چند گھنٹوں میں ایکس، فیس بک اور انسٹاگرام پر پھیل گئی، فیس بک پر ہزاروں صارفین نے اس معاملے پر اپنی آرا اور تبصرے پیش کیے۔

’ایکس‘ پر ایک ویریفائیڈ اکاؤنٹ سے ایڈووکیٹ خالد خان لودھی نامی صارف نے مذکورہ ویڈیو شیئر کرتے ہوئے لکھا جب آپ بینک اور اے ٹی ایم سے نقد رقم لے رہے ہوں تو بہت محتاط رہیں، ذاتی طور پر ہر ایک نوٹ کی تصدیق اور جانچ پڑتال کریں۔

فیس بک پر ایک پبلک اکاؤنٹ ’کراچی سے‘ کی جانب سے پوسٹ کی گئی مذکورہ ویڈیو کے نیچے تبصرہ کرتے ہوئے ایک صرف نے لکھا کہ یہ پاکستان سیکیورٹی پرنٹنگ پریس کراچی کے پرنٹنگ عملے کی لاپرواہی ہے اور اسٹیٹ بینک بھی اس میں برابر کا ذمہ دار ہے۔

فیس بک صارف فیصل بٹ نے تبصرہ کرتے ہوئے کہا کہ اگر یہ نئے بنڈل ہیں تو یہ اسٹیٹ بینک کا انتہائی غیر ذمہ دارانہ رویہ ہے۔

ایک اور تبصرے میں صارف نے لکھا کہ اسٹیٹ بینک آف پاکستان کو اس کے خلاف سنجیدہ کارروائی کرنی چاہیے۔

عبداللہ سومرو نامی صارف نے تبصرہ کیا کہ سوشل میڈیا پر یہ ویڈیو پوسٹ کرنے کے بجائے اپنے بینک کے کیش ہاؤس کو براہ راست رپورٹ کریں۔

رابطہ کرنے پر اسٹیٹ بینک کے چیف ترجمان نے کہا کہ معاملے کی تحقیقات کی جا رہی ہیں تاکہ یہ معلوم کیا جا سکے کہ یہ حقائق پر مبنی ہے یا نہیں، یہ ایک انوکھا واقعہ ہے اور ایسا خال خال ہی ہوتا ہے، اگر یہ سچ ہے بھی تو یہ بینک کی صرف ایک برانچ کا مسئلہ ہے۔

مشہور خبریں۔

امریکہ اور اسرائیل دنیا کے 10 بڑے ہتھیار برآمد کنندگان کی فہرست میں شامل

?️ 5 اپریل 2022سچ خبریں:اسٹاک ہوم انٹرنیشنل پیس ریسرچ انسٹی ٹیوٹ کا کہنا ہے کہ

ہمارا اسرائیل کے ساتھ تصادم کا کوئی ارادہ نہیں ہے: الجولانی

?️ 15 دسمبر 2024سچ خبریں: شام کی نئی سیاسی انتظامیہ کے سربراہ جولانی کے نام

نور مقدم کیس میں اہم پیشرفت مالی کا بیان سامنے آگیا

?️ 15 اگست 2021اسلام آباد (سچ خبریں ) تفصیلات کے مطابق نور مقدم کیس میں

’آئی ایم ایف پروگرام کیلئے پاکستان کو امریکی حمایت حاصل تھی‘

?️ 13 جولائی 2023اسلام آباد:(سچ خبریں) امریکی محکمہ خارجہ کے ترجمان میتھیو ملر نے اشارہ

اسرائیل کے خلاف جوہری حملے سے بڑا خوفناک خواب کیا ہے؟

?️ 16 اگست 2023سچ خبریں:اسرائیلی میڈیا میں صیہونی حکومت کے مشہور عسکری ماہر میجر جنرل

پاکستان میں ایک روز میں سب سے زیادہ کورونا ویکسین لگانے کا ریکارڈ بن گیا

?️ 1 ستمبر 2021لاہور (سچ خبریں) تفصیلات کے مطابق وفاقی وزیر برائے منصوبہ بندی، ترقی

سی آئی اے کے وسل بلور ڈیوڈ میک مائیکل 95 کا سال کی عمر میں انتقال

?️ 2 جون 2022سچ خبریں:   ڈیوڈ میک میکل، ایک انٹیلی جنس تجزیہ کار جنہوں نے

افغانستان میں امن خطے کے لئے اہم ہے: وزیراعظم

?️ 15 جولائی 2021تاشقند(سچ خبریں)وزیراعظم عمران خان نے کہا ہے افغانستان میں امن خطے کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے