واٹس ایپ نے تصویروں کے لئے نیا فیچر متعارف کروادیا

🗓️ 26 جولائی 2021

سان فرانسسکو(سچ خبریں) دنیا بھر میں پیغام رسانی کیلئے استعمال کی جانے والی سب سے مقبول ایپلی کیشن واٹس ایپ نے صارفین صارفین کے لیے تصاویر کے معیار کو ایچ ڈی کر دیا ہے۔پیغام رسانی کے لیے تصاویر کے معیار کو بہتر کرتے ہوئے ایچ ڈی فیچر متعارف کروادیا۔

واٹس ایپ کی سرگرمیوں پر نظر رکھنے والی ویب سائٹ ویب بیٹا انفو کی رپورٹ کے مطابق ایپلی کیشن نے آئی فون استعمال کرنے والے صارفین کے لیے ایچ ڈی تصاویر بھیجنے کے چند آپشنز متعارف کروائے ہیں۔اس سے قبل یہ آپشن اینڈرائیڈ صارفین کے لیے متعارف کروایا گیا تھا تاہم اب اس سے آئی فون استعمال کرنے والے صارفین بھی استفادہ کرسکیں گے۔

رپورٹ کے مطابق فیچر کو استعمال کرتے ہوئے آپ اپنی مرضی کا آپشن کا انتخاب کرکے تصاویر کا معیار بہتر بناسکتے ہیں۔فیچر استعمال کرنے کے لیے آپ اپیلی کیشن کی سیٹنگز میں جائیں اور اسٹوریج اینڈ ڈیٹا کے آپشن کا انتخاب کریں، وہاں میڈٰیا اپ لوڈ کوالٹی کے آپشن کا انتخاب کریں۔

واضح رہے کہ  واٹس ایپ بنیادی طور پر میسج کرنے اور کال کرنے کے لئے استعمال ہوتا ہے. تاہم  آپ ایپ کے ذریعے تصاویر ، ویڈیوز ، فائلیں بھی بھیج سکتے ہیں اور دوستوں اور فیملی کے ساتھ اپنا موجودہ مقام بھی شیئر کرسکتے ہیں.