سان فرانسسکو(سچ خبریں) فیس بک سمیت سوشل میڈیا پلیٹ فارمز کے مسلسل استعمال کی عادت بہت بری ہے اور اگر یہ عادت جارہ رہے تو جان لیوا بھی ہو سکتی ہے ایسے میں کئی لوگ جان چھڑانا چاہتے ہیں اور اس کے لیے مختلف طریقے بھی اپناتے ہیں تاہم منیش سیٹھی نامی نوجوان نے اس کا حیران کن طریقہ اختیار کیا ہے۔
تفصیلات کے مطابق سان فرانسکو سے تعلق رکھنے والے بلاگر منیش سیٹھی نے ایک خاتون کو ملازمت پر رکھ لیا ہے جس کا کام انھیں فیس بک استعمال کرتا دیکھ کر تھپڑ مارنا ہے۔ کارا نامی خاتون کی خدمات حاصل کرنے کے بعد ان کی کام کی صلاحیت 35 سے 40 فیصد بڑھ گئی
غیر ملکی خبر رساں ادارے کے مطابق، خاتون کو ملازمت پر رکھنے کے لیے باقاعدہ اشتہار بھی دیا گیا جس کے بعد کارا نامی خاتون کو فی گھنٹہ 8 ڈالر معاوضہ کی پیشکش کرتے ہوئے ملازمت پر رکھ لیا گیا۔
منیش کا اپنی بلاگ پوسٹ میں کہنا ہے کہ کارا نامی خاتون کی خدمات حاصل کرنے کے بعد ان کے کام کی صلاحیت 35 سے 40 فیصد بڑھ کر 98 فیصد ہوگئی ہے۔اس حل پر منیش سیٹھی جہاں سوشل میڈیا صارفین کی توجہ کا مرکز بنا وہیں ٹیسلا کے سربراہ ایلن مسک بھی رد عمل کا اظہار کیے بغیر نہ رہ سکے اور انہوں نے بھی اس حیران کن حل پر اپنے ردعمل کا اظہار کیا ہے۔