فلسطین کے حق میں پوسٹ کرنے پر انسٹاگرام اکاؤنٹس کو’شیڈو بین’ کیے جانے کا انکشاف

?️

سچ خبریں: سوشل شیئرنگ ایپلی کیشن پلیٹ فارم انسٹاگرام کی جانب سے فلسطین کی حمایت سے متعلق پوسٹس کرنے والے اکاؤنٹس کو ’شیڈو بین‘ کیے جانے کا انکشاف سامنے آیا ہے۔

پاکستان میں انسٹاگرام کی جانب سے اکاؤنٹس کو ’شیڈو بین‘ کیے جانے کا انکشاف اداکارہ ماہرہ خان کی جانب سے کیا گیا، جنہوں نے اپنی اسٹوری میں بتایا کہ ان کے اکاؤنٹس کی پوسٹس کو محدود کردیا گیا۔

اداکارہ نے انسٹاگرام اسٹوری میں دعویٰ کیا کہ ان کے اکاؤنٹ کو ’شیڈو بین‘ کردیا گیا۔

ماہرہ خان سے قبل متعدد عالمی سوشل میڈیا انفلوئنسرز کی جانب سے بھی یہ شکایات سامنے آئیں کہ فلسطینیوں کی حمایت کرنے کے بعد ان کے اکاؤنٹس کو شیڈو بین کردیا گیا۔

برطانوی اخبار ’دی گارجین‘ نے اپنی رپورٹ میں متعدد یورپی، امریکی اور عرب سوشل میڈیا اسٹارز اور انفلوئسرز کا حوالہ دیا، جن کے انسٹاگرام اکاؤنٹس کو شیڈو بین کیا گیا۔

رپورٹ میں بتایا گیا کہ لاکھوں فالوورز رکھنے والی شخصیات کی جانب سے غزہ میں بمباری کی مذمت کیے جانے اور فلسطینیوں کی حمایت کے بعد ان کے اکاؤنٹس کو شیڈو بین کیا گیا۔

سوشل میڈیا انفلوئنسرز کے مطابق انہیں اپنے مداحوں نے ذاتی پیغامات بھیج کر شکایت کی کہ انہیں ان کی پوسٹس اور اسٹوریز نظر نہیں آ رہیں جب کہ ان کا اکاؤنٹ بھی سرچ نہیں ہو پا رہا۔

اگرچہ دنیا بھر کے سوشل میڈیا اسٹارز اور معروف شخصیات کی جانب سے بتایا گیا کہ ان کے انسٹاگرام اکاؤنٹس کو شیڈو بین کیا جا رہا ہے، تاہم اس حوالے سے انسٹاگرام نے کوئی بیان جاری نہیں کیا۔

تاہم انسٹاگرام کی مالک کمپنی میٹا کے ذرائع کے مطابق اکاؤنٹس کے شیڈو بین ہونے کا مسئلہ کسی خرابی کی وجہ سے ہو رہا ہے، کمپنی نے کوئی ایسا اقدام نہیں اٹھایا لیکن صارفین کا ماننا ہے کہ کمپنی خود فلسطینیوں کی حمایت پر اکاؤنٹس کو شیڈو بین کر رہی ہے۔

شیڈو بین کی اصطلاح عام طور پر سینسرشپ کے لیے استعمال کی جاتی ہے، یعنی اکاؤنٹس کی پوسٹس کو محدود کرنے کے لیے اکاؤنٹس کی عام لوگوں تک رسائی کو بھی محدود کردیا جاتا ہے۔

شیڈو بین کا شکار بننے والے انسٹاگرام اکاؤنٹس کی پوسٹس اور اسٹوریز کو عام لوگ نہیں دیکھ پا رہے، تاہم محدود صارفین کو پوسٹس اور اسٹوریز تک رسائی دی جا رہی ہے۔

اسی طرح شیڈو بین کے شکار اکاؤنٹس کو ایپلی کیشن پر سرچ بھی نہیں کیا جا سکتا، تاہم گوگل سرچ میں اکاؤنٹس کو تلاش کرنا ممکن ہے۔

اسی طرح شیڈو بین میں دیگر طرح کی پابندیاں بھی عائد کی جاتی ہیں، تاہم اکاؤنٹ ہولڈر ہرطرح کا مواد اپنی طرف سے شیئر کرپاتا ہے اور اسے ایپلی کیشن کے استعمال میں کوئی مسئلہ درپیش نہیں ہوتا۔

مشہور خبریں۔

9 مئی توڑ پھوڑ: پی ٹی آئی رہنماؤں شاہ محمود قریشی، اسد عمر، اسد قیصر کی درخواست ضمانت خارج

?️ 20 جون 2023اسلام آباد:(سچ خبریں) اسلام آباد کی مقامی عدالت نے 9 مئی کو

دنیا اسرائیل کے وحشیانہ حملے بند کراے:پاکستان

?️ 5 اپریل 2023سچ خبریں:حکومت پاکستان نے مسجد الاقصیٰ پر صیہونی افواج کے حملے اور

اپوزیشن سے عمران خان کو کوئی خطرہ نہیں:شیخ رشید

?️ 24 مارچ 2021اسلام آباد(سچ خبریں) اسلام آباد میں میڈیا سے گفتگو کرتے ہوئےوزیر داخلہ

معیاری بیج کی فراہمی سے ملک میں زرعی انقلاب لایا جاسکتا ہے، وزیراعظم

?️ 24 مارچ 2025اسلام آباد: (سچ خبریں) وزیراعظم شہباز شریف نے کہا ہے کہ زراعت

یمنی انصاراللہ کا امریکی ایف-16 طیارے پر میزائل حملہ

?️ 23 فروری 2025 سچ خبریں:امریکی وزارت دفاع نے تصدیق کی ہے کہ یمن کی

قومی اسمبلی اسد قیصر کی زیر صدارت مشترکہ اجلاس ہوا

?️ 17 نومبر 2021اسلام آباد (سچ خبریں) تفصیلات کے مطابق آج قومی اسمبلی میں اسپیکر

ایچ آر سی پی کا متنازع پیکا ایکٹ کی مکمل منسوخی کا مطالبہ

?️ 30 مئی 2025اسلام آباد: (سچ خبریں) ہیومن رائٹس کمیشن آف پاکستان (ایچ آر سی

میں شاید 2024 کے الیکشن میں حصہ لوں : ٹرمپ

?️ 10 اپریل 2022سچ خبریں: متنازعہ سابق امریکی صدر ڈونلڈ ٹرمپ نے شمالی کیرولائنا کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے