صیہونی وزیر جنگ کی حماس کو کھلی دھمکی؛ غزہ میں 12 گھنٹوں میں 100 فلسطینی شہید

?️ 30 اکتوبر 2025

سچ خبریں:صیہونی وزیر جنگ یسرائیل کاتس نے حماس کے رہنماؤں اور کمانڈروں کو قتل کرنے کی دھمکی دی ہے، جبکہ غزہ میں صرف 12 گھنٹوں میں 100 سے زائد فلسطینی شہید ہوئے، جن میں تقریباً 35 بچے شامل ہیں۔ فلسطینی حکومت کا کہنا ہے کہ صیہونی حکومت نے 125 مرتبہ جنگ بندی معاہدہ توڑا ہے۔

اسرائیلی وزیر جنگ نے ایک بار پھر بےبنیاد بیان دیتے ہوئے حماس کے رہنماؤں اور کمانڈروں کو ٹارگٹڈ قتل کی دھمکی دی اور دعویٰ کیا کہ حماس کے کسی بھی کمانڈر کو کوئی تحفظ حاصل نہیں ہے۔

بدھ کے روز یسرائیل کاتس نے ایک بیان میں کہا کہ صیہونی فوج نے گزشتہ روز کی کارروائی میں درجنوں عسکری ٹھکانوں کو نشانہ بنایا اور حماس کے کئی کمانڈروں کو ہلاک کیا۔

یہ بھی پڑھیں:ٹرمپ کا امن منصوبہ غزہ میں جنگ جاری رکھنے بہترین بہانہ ہے

دوسری جانب غزہ میں شہری دفاع کے حکام نے اس کے برعکس تصدیق کی ہے کہ گزشتہ بارہ گھنٹوں کے دوران صیہونی حملوں میں 100 سے زائد فلسطینی شہید ہو چکے ہیں، جن میں تقریباً 35 بچے بھی شامل ہیں۔

کاتس نے غزہ پر جاری وسیع حملوں اور متعدد بار سیزفائر کی خلاف ورزیوں کا ذکر کیے بغیر دعویٰ کیا کہ فوجی حملے، ہمارے اہلکاروں پر حملے اور لاشوں کی واپسی کے معاہدے کی خلاف ورزی کا جواب تھے۔

جبکہ حماس نے باضابطہ اعلان کیا ہے کہ رفح میں پیش آنے والا واقعہ اور صیہونی فوجیوں پر فائرنگ کا اس کے ساتھ کوئی تعلق نہیں تھا۔

صیہونی وزیر جنگ نے حماس کو براہ راست دھمکی دی کہ اس کے رہنما اور کمانڈر محفوظ نہیں ہیں اور کہا کہ اس نے فوج کو ہدایت جاری کی ہے کہ حماس سے منسلک ہر ہدف کو پوری طاقت کے ساتھ نشانہ بنایا جائے، اس نے مزید کہا کہ یہ پالیسی مستقبل میں بھی جاری رہے گی۔

کاتس نے دعویٰ کیا کہ جو بھی ہمارے فوجیوں پر حملہ کرے گا یا معاہدوں کی خلاف ورزی کرے گا، اسے اس کی بھاری قیمت چکانا ہوگی۔

مزید پڑھیں:غزہ امن منصوبہ مشرق وسطی میں دیرپا امن کی جانب اہم قدم ہے۔ وزیراعظم

ادھر غزہ میں فلسطینی حکومت کے میڈیا دفتر نے اعلان کیا ہے کہ آتش‌بس کے آغاز سے اب تک اسرائیل 125 مرتبہ اس معاہدے کی خلاف ورزی کر چکا ہے۔