صیہونی ایٹمی پلانٹ کے قریب دھماکہ

?️ 22 اپریل 2021

سچ خبریں:مقامی ذرائع نے مقبوضہ جنوبی فلسطین میں واقع صیہونی ڈیمونا ایٹمی مرکز کے قریب متعدد خوفناک دھماکوں کی آواز اور علاقے میں خطرے کی گھنٹی بجنے کی اطلاع دی۔
یروشلم پوسٹ کی رپورٹ کے مطابق مقامی ذرائع نے غزہ کی پٹی کے آس پاس صہیونی بستیوں میں میزائل کے انتباہ والے سائرن بجنے کی اطلاع دی،اسرائیلی فوج کے ترجمان نے اپنے ایک بیان میں کہا ہے کہ جمعرات کی صبح مقبوضہ علاقوں کے جنوب میں ابو قرینات کے قریب اور ڈیمونا جوہری تنصیبات کے قریب سائرن کی آوازسنائی دی۔

جبکہ آس پاس کے دیہاتوں کے رہائشیوں نے بھی زوردار دھماکوں کی آوازیں سنیں جنہوں گھروں کو ہلا کر رکھ دیا،یروشلم شہر کے رہائشیوں نے بھی تصدیق کی ہے کہ متعدد دھماکوں کی آوازیں بھی سنی گئیں،در ایں اثناغیر مصدقہ اطلاعات کے مطابق یہ دھماکے صیہونی حکومت کے دفاعی نظام (پیٹریاٹ سسٹم) کے اسرائیل پر فائر کیے جانے والے میزائل کے رد عمل کا نتیجہ ہوسکتے ہیں،تاہم اسرائیلی فوج نے اعلان کیا کہ وہ واقعے کی تحقیقات کر رہی ہے۔