ہر ایرانی حملے پر 4 ہزار سے زائد نقصانات کے دعوے جمع؛صیہونی میڈیا کا انکشاف 

سچ خبریں:صیہونی ذرائع کے مطابق ایران کے ہر میزائل حملے کے بعد اوسطاً 4000 شہری نقصانات کے کلیم درج کراتے ہیں، اب تک مجموعی طور پر 40000 سے زائد درخواستیں دی جا چکی ہیں اور مالی نقصان کی شدت روز بہ روز بڑھ رہی ہے۔

ایران کی جوابی کارروائیوں اور میزائل حملوں کے اثرات اب اسرائیل کے اندر شدید معاشی و شہری نقصان کی شکل میں نمایاں ہو چکے ہیں، صہیونی میڈیا کے مطابق ہر ایرانی حملے کے بعد تقریباً 4000 نقصانات کے دعوے درج کیے گئے ہیں۔

یہ بھی پڑھیں:اسرائیل کا جدید ترین ٹیکنالوجی سائنسی ادارہ ویزمان انسٹی ٹیوٹ ایرانی حملے کا شکار

صیہونی اخبار نے صہیونی کابینہ کے ایک عہدیدار کے حوالے سے انکشاف کیا کہ ہر ایرانی حملے کے بعد، ہمیں اوسطاً چار ہزار نقصانات کے کلیم موصول ہوئے ہیں۔

صیہونی حکومت کے مطابق، ایران کے ساتھ جنگ کے آغاز سے لے کر اب تک 40000 سے زائد نقصانات کے کلیمز درج ہو چکے ہیں، اور یہ تعداد جلد ہی 45000 تک پہنچنے کا امکان ہے۔

اسی رپورٹ میں بتایا گیا کہ تقریباً 30000 سے زائد اپارٹمنٹس ایران کے میزائل حملوں کے نتیجے میں تباہ یا شدید متاثر ہوئے ہیں۔

ذرائع کے مطابق، صرف ایک ہفتے اور چند دنوں میں ہی اسرائیل کو بے پناہ جانی و مالی نقصان اٹھانا پڑا ہے، جو کہ ملک کی شہری اور اقتصادی ساخت کو متزلزل کر رہا ہے۔

اس سے قبل اسرائیلی اقتصادی روزنامہ گلوبس نے بھی، پارلیمنٹ (کنیسٹ) کی داخلی امور کمیٹی اور ٹیکس محکمے کی رپورٹ کے حوالے سے کہا تھا کہ:

ہر ایرانی میزائل جو شہری علاقوں پر گرا، اُس کے نتیجے میں اوسطاً 4000 نقصانات کے دعوے درج کیے گئے۔

مزید پڑھیں:صیہونیوں نے ایرانی حملے میں ویزمین سینٹر کی وسیع پیمانے پر تباہی کا اعتراف کیا ہے

یہ رپورٹس واضح کرتی ہیں کہ ایران کے میزائل حملے نہ صرف عسکری میدان میں مؤثر رہے، بلکہ اسرائیلی شہری علاقوں میں وسیع پیمانے پر خوف، تباہی اور مالی بحران کا سبب بھی بنے ہیں۔