صیہونی حکومت اور حماس کے دردمیان قیدیوں کا تبادلہ کیوں نہیں ہو رہا؟ صہیونی میڈیا کا انکشاف

?️ 3 نومبر 2024

سچ خبریں:صہیونی میڈیا نے اسرائیلی وزیرِ اعظم بنیامین نیتن یاہو کے غزہ میں فلسطینی مزاحمتی تحریک کے زیرِ حراست اسرائیلی قیدیوں کی رہائی سے متعلق خیالات کو فاش کیا ہے۔

الجزیرہ نیوز چینل کی رپورٹ کے مطابق، صہیونی اخبار یدیعوت احرونٹ نے ایک انٹیلی جنس ذرائع کے حوالے سے انکشاف کیا کہ نیتن یاہو قیدیوں کی رہائی یا جنگ کے خاتمے کے لئے نہیں بلکہ اپنی کابینہ کی بقا اور تحقیقات سے بچنے کی کوشش میں مصروف ہیں۔

یہ بھی پڑھیں: اسرائیلی قیدیوں کے اہل خانہ کو بہلانے کی کوشش؛ نیتن یاہو کی فریب کاری

اس انٹیلی جنس ذرائع نے بتایا کہ نیتن یاہو کو خوف ہے کہ قیدیوں کے تبادلے کا معاہدہ انتخابات کے مطالبے اور تحقیقاتی کمیٹی کے قیام کی طرف لے جائے گا۔

مزید پڑھیں: تل ابیب میں اسرائیلی قیدیوں کی رہائی کے لیے احتجاجی ریلی

یدیعوت احرونٹ کی رپورٹ میں کہا گیا ہے کہ ایک گروہ معاہدے کو ناکام بنانے کے لئے سازشوں میں مصروف ہے، ثبوتوں کو توڑ مروڑ کر اور گمراہ کن معلومات فراہم کر رہا ہے۔