روس یوکرین جنگ کا ذمہ دار کون؛ٹرمپ کی زبانی

سچ خبریں:امریکی صدر ڈونلڈ ٹرمپ نے یوکرین پر الزام عائد کیا کہ اس نے روس کے ساتھ جنگ شروع کی تھی، ٹرمپ کا کہنا تھا کہ یوکرین کو روس کے ساتھ جنگ شروع نہیں کرنی چاہیے تھی۔

روئٹرز نیوز ایجنسی کی رپورٹ کے مطابق امریکی صدر ڈونلڈ ٹرمپ نے فلوریڈا کے اپنے ذاتی گھر مار-اے-لاگو میں ایک پریس کانفرنس کے دوران کہا کہ یوکرین کو جنگ شروع نہیں کرنی چاہیے تھی۔

یہ بھی پڑھیں: روس یوکرین جنگ میں امریکی اتحادی کس کے ساتھ ہیں؟نیویارک ٹائمز کی رپورٹ

ٹرمپ نے روسی صدر ولادیمیر پیوٹن سے ملاقات کے امکان پر بات کرتے ہوئے کہا کہ اس ملاقات ہوسکتی ہے ، انہوں نے اس کا امکان ظاہر کیا کہ وہ اس ماہ کے آخر تک پیوٹن سے مل سکتے ہیں۔

یہ ٹرمپ کی وہ باتیں ہیں جو پہلی امریکی ڈپلومیٹک ٹیم کے ریاض روانہ ہونے کے بعد سامنے آئی ہیں، یہ ٹیم روسی ہم منصبوں کے ساتھ یوکرین کی جنگ کو حل کرنے کے لیے مذاکرات کرنے جا رہی تھی۔

امریکی صدر نے یوکرین کے اس خدشے کو مسترد کر دیا کہ وہ ان مذاکرات میں مدعو نہیں کیے گئے ہیں، انہوں نے کہا، آپ کو تین سال پہلے روس کے ساتھ معاہدہ کر لینا چاہیے تھا، آپ کے پاس موقع تھا، جنگ شروع نہیں کرنی چاہیے تھی۔

جو بائیڈن کے صدر ہونے کے باوجود ٹرمپ نے امریکی انتظامیہ کی یوکرین کے حوالے سے پالیسیوں پر تنقید کی اور کہا کہ انہیں یقین ہے کہ وہ اس جنگ کو ختم کرنے کی طاقت رکھتے ہیں۔

مزید پڑھیں: یوکرین جنگ سے پیسہ کمانے پر یورپی یونین کی امریکہ پر کڑی تنقید

ٹرمپ نے مزید کہا کہ یوکرین کو انتخابات کرانے چاہیے اور اگر یورپی ممالک امن قائم کرنے کے لیے وہاں امن مشن بھیجنا چاہیں تو وہ اس کی مخالفت نہیں کریں گے۔