سچ خبریں: حوارہ میں ایک فلسطینی نوجوان کی کار نے صہیونی کار پر گولی چلائی جس کے نتیجے میں دو اسرائیلی زخمی ہوگئے۔
منگل کی شام نابلس (مغربی کنارے کے شمال) کے جنوب میں واقع حوارہ کی بستی میں فائرنگ کے دوران دو صہیونی آباد کار زخمی ہوئے۔
شہاب خبررساں ایجنسی نے رپورٹ دی ہے کہ حوارہ میں صہیونی کار پر گولی فلسطینی نوجوان کی گاڑی سے چلائی گئی،صہیونیوں کا دعویٰ ہے کہ یہ دونوں افراد فائرنگ نہیں بلکہ کار کی کھڑکی ٹوٹنے سے زخمی ہوئے ہیں۔
یہ بھی پڑھیں: مصری سرحد پر شہادت طلبانہ کاروائی/ قابضین مزاحمت میں گھرے میں:عطوان
ان ذرائع نے یہ بھی دعویٰ کیا کہ ان صہیونیوں کو کوئی خطرہ نہیں ہے اور وہ ٹھیک ہیں،تاہم صہیونی چینل کان نے خبر دی ہے کہ ان دو افراد میں سے ایک کی حالت ٹھیک نہیں ہے۔
اس کارروائی کے بعد صہیونی فوج نے علاقے کو محاصرے میں لے لیا، صیہونی اب بھی اس فلسطینی نوجوان کا پیچھا کر رہے ہیں لیکن وہ اسے گرفتار کرنے میں کامیاب نہیں ہو سکے۔
حماس کے ترجمان حازم قاسم نے اس آپریشن پر مبارکباد پیش کرتے ہوئے کہا کہ مغربی کنارے میں مزاحمت صیہونی دہشت گرد حکومت کو نشانہ بنا رہی ہے تاکہ اسے بے دخل کرنے اور صیہونیوں کو فلسطینی سرزمین سے نکال باہر کیا جائے۔
قاسم نے یہ بھی تاکید کی کہ اسرائیل کی قلعہ بندی اور اس کی افواج کی تیاری ان کاروائیوں اور بار بار حملوں کو پسپا کرنے میں کامیاب نہیں ہوسکی ہے،یہ انقلاب جاری ہے اور مزید مضبوط ہو گیا ہے۔
مزید پڑھیں: رام اللہ میں فلسطینی نوجوان کی شہادت طلبانہ کارروائی؛ دو صہیونی فوجی زخمی
یاد رہے کہ رواں ماہ کی 15 تاریخ کو صہیونی میڈیا نے مقبوضہ قدس کی قدیم بستی میں سرد ہتھیاروں سے فلسطینیوں کی ایک نئی کاروائی کے نتیجہ میں تین آباد کاروں کے زخمی ہونے کی خبر دی۔
یہ کارروائی پرانے مقبوضہ شہر قدس میں باب الخلیل کے قریب ہوئی جبکہ صیہونی حکومت کی سکیورٹی فورسز جائے وقوعہ پر چوکس تھیں۔