امریکہ کو مزید کون سے ہتھیار چاہیے؟ایلان مسک

?️ 28 دسمبر 2024

سچ خبریں:امریکی ارب پتی اور ڈونلڈ ٹرمپ کے قریبی ساتھی ایلان مسک نے کہا ہے کہ امریکہ کو مستقبل کی جنگوں کے لیے مزید ڈرونز اور ہائپرسونک میزائلز کی ضرورت ہے۔

ایلان مسک نے اپنے بیان میں کہا کہ اگر ڈرون جنگ شروع ہوئی تو ان کی مانگ میں زبردست اضافہ ہوگا۔

یہ بھی پڑھیں: یوکرین جنگ جلد ختم ہو جائے گی:ایلان مسک

مسک نے سوشل میڈیا پلیٹ فارم ایکس (پہلے ٹویٹر) پر لکھا کہ امریکہ کو طویل فاصلے تک مار کرنے والے ڈرونز (فضائی، سطحی اور زیرآب) اور ہائپرسونک میزائلز کی بڑی تعداد میں ضرورت ہے، کوئی بھی روایتی ہتھیار ڈرون جنگ میں بہت جلد تباہ ہو جائے گا۔

مزید پڑھیں: ایلان ماسک نے ٹرمپ کی ٹویٹر پر واپسی سے اتفاق کیا

واضح رہے کہ اس سے پہلے بھی ماسک نے کئی بار مستقبل کی جنگوں پر اپنے خیالات کا اظہار کیا ہے، ان کے مطابق، آئندہ جنگیں ڈرون جنگیں ہوں گی، اور وہ ممالک جن کے پاس زیادہ جدید ڈرونز ہوں گے، ان جنگوں میں فتح یاب ہوں گے، ان کے بقول، روایتی جنگی جہاز ڈرونز کے سامنے جلد ہی تباہ ہو جائیں گے۔