غزہ میں غذائی امداد کی تقسیم پر امریکی سفیر کا ردعمل 

سچ خبریں:تل ابیب میں تعینات امریکی سفیر مائک ہاکابی نے کہا کہ ٹرمپ غزہ میں محفوظ اور مؤثر انداز میں غذائی امداد کی تقسیم کے خواہاں ہیں، جبکہ اسرائیل صرف سیکیورٹی میں شریک ہوگا، نہ کہ تقسیم کے عمل میں۔

امریکی سفیر مائک ہاکابی نے کہا ہے کہ صدر ڈونلڈ ٹرمپ کی ترجیح ہے کہ غزہ میں امدادی غذائی سامان کی تقسیم محفوظ اور مؤثر انداز میں انجام دی جائے، تاکہ قحط کے خطرے سے بچا جا سکے۔

یہ بھی پڑھیں:غزہ مکمل طور پر قحطی کا شکار

انہوں نے تواصل الاخباریہ کے حوالے سے واضح کیا  کہ اسرائیل امدادی سامان کی تقسیم میں براہ راست شامل نہیں ہوگا، بلکہ اس کی محدود شمولیت صرف سیکیورٹی امور تک محدود رہے گی۔

 ہاکابی نے خبردار کیا کہ غزہ میں قحط اور بھوک کا خطرہ حقیقی ہے، 400 مقامات پر امداد کی تقسیم کے لیے انتظامات کیے جا رہے ہیں

 پرائیویٹ سیکیورٹی کمپنیوں کو امدادی عملے اور اشیائے خور و نوش کی حفاظت کی ذمہ داری دی گئی ہے

مزید پڑھیں:عالمی برادری فلسطینی شہریوں کو اسرائیلی مظالم سے بچانے کیلیے فیصلہ کن اقدام کرے، ترجمان وزارت خارجہ

 ہاکابی کا کہنا تھا کہ ہم اور اسرائیل دونوں کو یہ تشویش ہے کہ کہیں یہ امداد حماس کے ہاتھ نہ لگ جائے،اس لیے امداد کا دائرہ تدریجی انداز میں بڑھایا جائے گا تاکہ تمام شہریوں کو فائدہ پہنچے لیکن کنٹرول سخت رہے،انہوں نے بتایا کہ مختلف شراکت داروں کے ساتھ غزہ میں امدادی نظام کے طریقہ کار پر اتفاق ہو چکا ہے، اور آئندہ دنوں میں زیادہ محفوظ اور منظم تقسیم دیکھنے کو ملے گی۔