ٹرمپ نے مجھے اپنا ذاتی نمبر دیا ہے:یوکرینی صدر  

سچ خبریں:یوکرین کے صدر نے کہا کہ وہ روسی حکام میں سے صرف روسی صدر ولادیمیر پیوٹن سے ملاقات کریں گے۔  

الجزیرہ کے حوالے سے، یوکرین کے صدر ولودیمیر زلنسکی نے اپنے بیان میں کہا کہمیں روس کے کسی بھی عہدے دار کے ساتھ ملاقات نہیں کروں گا سوائے پیوٹن کے۔

یہ بھی پڑھیں: روس کا 27 یوکرینی ڈرون اور 2 میزائل تباہ کرنے کا دعوی

انہوں نے مزید کہا کہ اگر کیف نیٹو میں شامل نہیں ہوتا ہے، تو ہمیں یوکرینی فوج کی تعداد بڑھانے کی ضرورت ہوگی، اس مقصد کے لیے ہمیں زیادہ فنڈز کی ضرورت ہوگی۔

زلنسکی نے اضافہ کیا کہ ہمارے پاس ایک طاقتور فوج ہے، اور یہ سب کے فائدے میں ہے کہ ہم نیٹو میں شامل ہوں، ورنہ ہمیں فوجیوں کی تعداد ڈیڑھ ملین تک بڑھانی پڑے گی۔

مزید پڑھیں: روسی گیس کی ترسیل کا بند ہونا ماسکو کی سب سے بڑی ناکامی:یوکرینی صدر

انہوں نے کہا کہ امریکہ اور یورپ کو روس کے خلاف ہماری حمایت کرنی چاہیے، یوکرین جنگ کو ختم کرنے کے لیے ٹرمپ کے ساتھ مل کر ایک منصوبہ تیار کرنے کے بعد، میں پیوٹن سے ملوں گا، میں نے ٹرمپ کے ساتھ اچھی بات چیت کی ہے اور انہوں نے مجھے اپنا ذاتی فون نمبر دیا ہے۔