یوکرین فوری طور پر صدارتی انتخابات کرائے؛ ٹرمپ کا مطالبہ

?️ 9 دسمبر 2025

سچ خبریں:امریکی صدر ڈونلڈ ٹرمپ کا کہنا ہے کہ یوکرین میں صدارتی انتخابات میں تاخیر ناقابلِ قبول ہے,انہوں نے زور دیا کہ جنگ کو انتخابات نہ کرانے کی وجہ نہیں بنایا جا سکتا اور زلنسکی کو امریکی تجاویز قبول کرنی چاہئیں۔

امریکہ کے صدر ڈونلڈ ٹرمپ نے کہا ہے کہ یوکرین میں صدارتی انتخابات کرانے کا وقت آ چکا ہے،انہوں نے زور دیا کہ انتخابات میں تاخیر بہت زیادہ ہو چکی ہے اور صورتحال سازگار انداز میں آگے نہیں بڑھ رہی۔

یہ بھی پڑھیں: وائٹ ہاؤس میں زلنسکی کی تحقیر؛ یوکرین جنگ کا مستقبل کس سمت جا رہا ہے؟ 

ڈونلڈ ٹرمپ نے منگل کے روز نشریہ پولیٹیکو کو دیے گئے ایک انٹرویو میں کہا کہ اب وقت ہے کہ یوکرین صدارتی انتخابات منعقد کرے،ان کے بقول مدت بہت طویل ہو چکی ہے اور معاملات اچھے نہیں جا رہے۔

انہوں نے کہا، میرا خیال ہے کہ یہ انتخابات کرانے کا نہایت اہم وقت ہے۔ وہ جنگ کو انتخابات نہ کرانے کی وجہ کے طور پر استعمال کر رہے ہیں، لیکن میرا ماننا ہے کہ یوکرینی عوام کو اپنی قیادت کے انتخاب کا حق ملنا چاہیے۔

امریکی صدر نے مزید کہا، شاید زلنسکی جیت جائیں، میں نہیں جانتا کہ آخرکار کون کامیاب ہوگا۔ لیکن یہ حقیقت ہے کہ کافی عرصے سے کوئی انتخاب نہیں ہوا۔ آپ جانتے ہیں کہ وہ جمہوریت کی بات کرتے ہیں، مگر ایک وقت ایسا آ جاتا ہے جب چیزیں جمہوریت کے دائرے میں نہیں رہتیں۔

مزید پڑھیں: زلنسکی کی تحقیر سے سبق سیکھو؛انصاراللہ کا سعودی حکام سے خطاب

انہوں نے یہ بھی کہا کہ زلنسکی کو اپنے آپ کو سنبھالنا چاہیے اور امریکا کی پیش کردہ تجاویز قبول کر لینی چاہئیں۔