صیہونیوں کی شہید نصر اللہ کی تشییع جنازے کو روکنے کی آخری ناکام کوشش

سچ خبریں:صیہونی حکومت پوری طاقت سے سید حسن نصر اللہ کی تاریخی تشییع جنازے کو روکنے کے لیے سرگرم ہے لیکن اس کی تمام سازشیں عوامی مزاحمت کے سیلاب کے سامنے بےاثر ثابت ہو رہی ہیں۔  

سوشل میڈیا صارفین نے ایک ایسی تصویر شیئر کی ہے جو اسرائیلی حکام کی بوکھلاہٹ کو واضح کرتی ہے، اس تصویر میں ایک جعلی اسرائیلی اکاؤنٹ کے ذریعے لبنانی عوام کو دھمکی دی گئی ہے کہ وہ شہید نصر اللہ کی تشییع جنازے میں شرکت نہ کریں۔

یہ بھی پڑھیں: سید حسن نصراللہ کیا تھے اور شہید حسن نصراللہ کیا ہوں گے؟

جعلی اسرائیلی اکاؤنٹ نے اپنے پیغام میں لکھا ہے کہ

? لبنانی شہریو، نہ خود اور نہ اپنے بچوں کو تشییع جنازے میں لے کر جاؤ، ورنہ ہم تمہیں نشانہ بنائیں گے! 

یہ دھمکیاں اس بات کی گواہ ہیں کہ صیہونی دشمن تشییع جنازے میں لاکھوں افراد کی شرکت سے خوفزدہ ہے اور کسی بھی طرح اس اجتماع کو روکنے کی کوشش کر رہا ہے۔

? تل ابیب کی دھمکیوں کے باوجود، صبح سے ہی ہزاروں لبنانی عوام شہید سید حسن نصر اللہ کی تشییع جنازے میں شرکت کے لیے شمعون اسٹیڈیم کی جانب بڑھ رہے ہیں۔

مزید پڑھیں:سید حسن نصراللہ کی شہادت سے حزب اللہ کمزور کیوں نہیں ہوگی؟

یہ اجتماع نہ صرف حزب اللہ کی مزاحمت کی مقبولیت کو ثابت کرتا ہے بلکہ دشمن کی سازشوں کی ناکامی کا بھی منہ بولتا ثبوت ہے، صیہونی حکومت کی کوششیں اب عوامی عزم و استقامت کے سامنے بےکار ہو چکی ہیں اور تشییع جنازے کا یہ اجتماع ایک تاریخی مزاحمتی علامت بن چکا ہے۔