واشنگٹن (سچ خبریں) امریکا نے افغانستان سے انخلا کے بعد بھی ملک بھر میں دہشت گردوں پر فضائی نگرانی رکھنے کا اعلان کرتے ہوئے کہا ہے کہ امریکی افواج کے انخلا کے بعد امریکا افغانستان میں نگرانی کے لیئے ہماسیہ ممالک کے فوجی اڈے استعمال کرے گا اور اگر فوجی اڈے نے ملے تو فضائی نگرانی کی جائے گی۔
تفصیلات کے مطابق افغانستان نے انخلا کے بعد افغان سرزمین پر نظر رکھنے کے لیے امریکا نے ہمسایہ ممالک کے فوجی اڈوں کے استعمال کا منصوبہ تیار کر لیا۔
سربراہ امریکی سنٹرل کمانڈ جنرل فرینک میکنزی کے مطابق امریکا انخلا کے بعد افغانستان میں دہشتگردوں پر نظر رکھے گا افغانستان کے ہمسایہ ملکوں سے فوجی اڈوں کیلئے بات چیت جاری ہے ہمسایہ ملکوں سے فوجی اڈے نہ ملے تو فضائی نگرانی کی جائےگی۔
فرینک میکنزی نے کہا کہ انخلا کے بعد افغانستان میں دہشت گردوں کی خصوصی طیاروں کے ذریعے نگرانی کی جائے گی، طیارے مشرقی وسطیٰ کے فوجی اڈوں سے اڑان بھریں گے، افغانستان کی فضا میں 4 سے 6 گھنٹوں تک دہشت گرد ٹھکانوں کی نگرانی ہوگی۔
ان کا کہنا تھا کہ فوجی اڈے لینے یا فضائی نگرانی کیلئے ابھی تک کسی سے معاہدہ نہیں ہوا تاہم مجھے یقین ہے کہ امریکا کو اس کی اجازت مل جائےگی، سربراہ امریکی سنٹرل کمانڈ جنرل میکنزی افغانستان سے انخلا کا پلان پیش کریں گے۔
