وہ جگہ جہاں ایک روٹی سب سے بڑی آرزو بن چکی ہے  

سچ خبریں:محاصرے اور جنگ زدہ غزہ میں، روٹی ایک خواب بن چکی ہے، یہاں زندگی کی قیمت ایک روٹی ہے۔

غزہ ایک تنگ اور محصور سرزمین، جو طویل محاصرے اور مسلسل جنگ کا سامنا کر رہی ہے، آج انسانی درد، صبر اور بقاکی علامت بن چکی ہے۔ غزہ میں اب زندگی کا پیمانہ نہ وقت ہے، نہ دن، بلکہ روٹی کے لیے قطار اور بچوں کی بھوک کا شورہے۔

یہ بھی پڑھیں:غزہ میں نسل کشی، روم میں انسانیت کی تدفین

غزہ کے ایک شہری کا کہنا ہے کہ غزہ اب ایسی جگہ بن چکی ہے جہاں روزانہ کی ایک روٹی بھی ایک بڑی آرزو بن گئی ہے۔ محاصرے کو 18 ماہ سے زائد ہو چکے ہیں، اور زندگی پہلے سے کہیں زیادہ مشکل ہو چکی ہے۔

انہوں نے بتایا کہ بمباری اور محاصرےنے مل کر لوگوں کی جانوں کو دو طرفہ عذاب میں مبتلا کر رکھا ہے۔

 نہ صرف جنگ، بلکہ بھوک بھی جان لے رہی ہے۔ لوگ روٹی کی دکانوں کے سامنے لمبی قطاروں میں صرف ایک نوالے کی امید لیے کھڑے ہوتے ہیں۔

غزہ کے اس شہری نے جذباتی انداز میں بتایا کہ ہر صبح بچے مجھ سے پوچھتے ہیں: کیا آج روٹی ہے؟ اور میرے پاس ان کے سوال کا کوئی جواب نہیں ہوتا۔ اگر کبھی روٹی مل جائے تو ہم اسے گویا خزانہ سمجھ کر بڑے اہتمام سے سب میں بانٹتے ہیں۔

غزہ میں روٹی اب صرف غذا نہیں رہی، بلکہ زندگی کی علامت، انسانی وقار کی پہچانبن چکی ہے۔

 یہاں لوگ اب آسائشات نہیں مانگتے، صرف جینے کا حق مانگتے ہیں، اور بچوں کی بھوک سب سے تکلیف دہ منظر ہے۔

مزید پڑھیں:غزہ میں انسانیت کی موت دنیا کی نظروں کے سامنے

اس شہری نے آخر میں کہا کہ غزہ آج انسانیت کا آئینہ ہے۔ اگر آپ خود کو انسان سمجھتے ہیں، تو غزہ کی آواز سنیں۔ ہم صرف جنگ سے نہیں، بلکہ بھوک اور محاصرے سے بھی لڑ رہے ہیں۔ اگر دنیا نے سنا، تو شاید ہم پھر زندہ رہ سکیں۔