ایران کے حملوں کا صیہونی معیشت پر اثر

ایران کے حملوں کا صیہونی معیشت پر اثر

?️

سچ خبریں:مقبوضہ علاقوں پر ایران کے میزائل حملوں اور جنگی حالات میں شدت کے باعث بڑے پیمانے پر صیہونی ریاست جانے والی پروازیں منسوخ ہو چکی ہیں جس سے اسرائیل کی معیشت کو شدید نقصان پہنچ رہا ہے۔

اسرائیلی امور پر تحقیق کرنے والے فلسطینی مرکز مدارنے ایک تازہ رپورٹ میں صیہونی ریاست جانے والی منسوخ شدہ پروازوں کے اثرات کا تجزیہ کرتے ہوئے لکھا ہے کہ بڑی بین الاقوامی ایئر لائنز کی جانب سے مقبوضہ علاقوں کے لیے پروازیں معطل کرنے سے نہ صرف مسافروں کو بلکہ اشیاء کی نقل و حمل میں بھی شدید مشکلات کا سامنا ہے۔

ہوائی سفر اور معیشت پر منفی اثرات

حالیہ دنوں میں جاری کردہ اقتصادی اعداد و شمار سے پتہ چلتا ہے کہ مقبوضہ علاقوں میں ہوائی نقل و حمل کے بحران نے معیشت کو بری طرح متاثر کیا ہے۔

رپورٹ میں کہا گیا ہے کہ بین الاقوامی ایئر لائنز کی جانب سے پروازوں کی منسوخی نے نقل و حمل کے اخراجات میں نمایاں اضافہ کیا ہے، جبکہ اسرائیلی داخلی کمپنیوں نے کرایوں میں اضافہ کر دیا ہے۔

یہ بھی پڑھیں: اسرائیل کی معیشت پر الاقصی طوفان کے تباہ کن نتائج

اسرائیل جانے والے یا وہاں سے باہر نکلنے والے اسرائیلی باشندے دنیا بھر کے ہوائی اڈوں پر پھنسے ہوئے ہیں اور انہیں پرواز کے لیے کوئی ٹکٹ دستیاب نہیں ہو رہی۔

مدار کی رپورٹ کے مطابق، لبنان میں جاری جنگ اور ایران کے میزائل حملے کی شدت میں اضافے کی وجہ سے وہ ایئر لائنز، جو پہلے اسرائیل کے لیے پرواز کرتی تھیں، روز بروز اپنی خدمات معطل کر رہی ہیں۔

یورپی ایوی ایشن یونین نے بھی اسرائیل کی جانب پرواز کرنے پر خبردار کیا ہے، جس کی وجہ سے بین الاقوامی کمپنیوں نے پروازوں کو معطل کرنا شروع کر دیا ہے، اور یہ معطلی کبھی ایک ہفتے اور کبھی دو ہفتے کے لیے جاری رہتی ہے۔

ہوائی سفر میں کمی اور سیاحتی بحران

تل ابیب کے بین گورین ہوائی اڈے پر مسلسل میزائل حملے اس ہوائی اڈے کی سرگرمیوں میں خلل کا باعث بنے ہیں، سرکاری رپورٹس کے مطابق، اسرائیل کی طرف اور اسرائیل سے ہوائی سفر میں اس سال کے پہلے نو مہینوں میں 39 فیصد کمی ہوئی ہے۔ اسی عرصے میں مسافروں کی تعداد میں بھی 43 فیصد کمی ریکارڈ کی گئی ہے۔

روزانہ تقریباً 55 ہزار اسرائیلی مسافر مختلف ہوائی اڈوں پر پھنسے ہوتے ہیں اور انہیں متبادل راستے استعمال کرنے پر مجبور کیا جا رہا ہے۔

اسرائیلی سیاحت بھی بحران کا شکار ہے، وزارت سیاحت کی رپورٹ کے مطابق، اسرائیل آنے والے سیاحوں کی تعداد ایک ملین تک گر گئی ہے جو کہ گزشتہ کئی دہائیوں میں سب سے کم ہے حتیٰ کہ کرونا وبا کے دوران بھی سیاحوں کی تعداد اس حد تک کم نہیں ہوئی تھی۔

اشیاء کی نقل و حمل میں 30 فیصد اضافہ

نئی رپورٹس کے مطابق، مقبوضہ علاقوں میں اشیاء کی ترسیل کے اخراجات میں 30 فیصد اضافہ ہوا ہے، اسرائیلی کمپنی چالینگ ایئر لائن نے اپنے کرایے میں 30 فیصد اضافہ کیا ہے، جو کہ ہوا کے ذریعے 32 فیصد کارگو جابجا کرتی ہے۔

مزید پڑھیں: اسرائیل کی معیشت دیوالیہ ہونے کے دہانے پر

یاد رہے کہ اسرائیلی برآمدات کا تقریباً 33 فیصد ہوائی راستے سے ہوتا ہے، جبکہ جنگی حالات کے باعث ہوائی نقل و حمل کے اخراجات میں مزید اضافہ ہو رہا ہے۔

اسرائیل کی معیشت پر جاری جنگی حالات اور بین الاقوامی ایئر لائنز کی منسوخی کا گہرا اثر پڑ رہا ہے، ہوائی نقل و حمل میں رکاوٹ، سیاحتی بحران اور اشیاء کی ترسیل میں اضافہ اسرائیل کی معاشی مشکلات کو بڑھا رہا ہے۔

مشہور خبریں۔

ایران اور تاجکستان کے درمیان مشترکہ اجلاس

?️ 6 اکتوبر 2022سچ خبریں:   ایران کے صدر سید ابراہیم رئیسی نے ایک پیغام میں

امریکی سینیٹر کا ٹوئٹر میں سعودی عرب کے شئر کی تحقیقات کا مطالبہ

?️ 1 نومبر 2022سچ خبریں:امریکی ڈیموکریٹک سینیٹر نے ٹویٹر پر سعودی عرب کے شئر کی

وزیر اعظم نے احسان مانی کی خدمات کا شکریہ ادا کیا

?️ 28 اگست 2021اسلام آباد(سچ خبریں) وزیر اعظم عمران خان نے کرکٹ کے لیے بطور

وحشیانہ صہیونی جرم میں اپنی بہن کی شہادت پر ہنیہ کا ردعمل

?️ 26 جون 2024سچ خبریں: فلسطینی تحریک حماس کے سیاسی دفتر کے سربراہ اسماعیل ہنیہ نے

بائیڈن امریکہ کا دشمن ہے: ٹرمپ

?️ 4 ستمبر 2022سچ خبریں:   پنسلوانیا میں خطاب کے دوران سابق امریکی صدر ڈونلڈ ٹرمپ

 اداکارہ انکتا لوکھنڈے رشتۂ ازدواج میں بندھ گئیں

?️ 15 دسمبر 2021ممبئی (سچ خبریں) اداکار سشانت سنگھ راجپوت کی سابق محبوبا اور بولی

صیہونی فوج کے ہاتھوں فلسطینی چرواہا گرفتار

?️ 13 ستمبر 2022سچ خبریں:صیہونی فوج نے صیہونی آبادکاروں کے حملہ کا شکار ہونے والے

’دنیا کی کوئی طاقت پاک-ایران تعلقات خراب نہیں کر سکتی‘، ایرانی صدر کی بلاول بھٹو سے ملاقات

?️ 24 اپریل 2024کراچی: (سچ خبریں) پاکستان پیپلز پارٹی کے چیئرمین بلاول بھٹو نے ایران

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے