یمن میں صیہونیت کے خلاف طوفان؛ غزہ کی حمایت میں عوامی سمندر اور مسلح مزاحمت جاری

سچ خبریں:یمن کے عوام نے ایک بار پھر ہفتہ وار ملین مارچ کے ذریعے فلسطین اور غزہ سے اپنی حمایت کا اعلان کرتے ہوئے امریکہ و اسرائیل کو واضح پیغام دیا، مسلح افواج نے صہیونی اہداف پر میزائل حملے کیے، جبکہ عوام نے دشمنوں کے بائیکاٹ پر زور دیا۔

یہ بھی پڑھیں: یمنیوں کے ہاتھوں صیہونیوں کی نیندیں حرام

یمنی عوام نے ایک بار پھر ہفتہ وار ملین مارچ کے ذریعے غزہ اور فلسطینی عوام سے یکجہتی کا مظاہرہ کیا، انہوں نے اعلان کیا کہ امریکہ اور اسرائیل کی جارحیت کے باوجود وہ اپنی ایمانی اور انقلابی پوزیشن سے پیچھے نہیں ہٹیں گے۔

یمن کے مختلف شہروں خصوصاً صنعا میں نکالی گئی ان مظاہروں کے شرکاء نے امریکہ، اسرائیل اور دیگر طاغوتی قوتوں کے خلاف سخت نعرے بازی کی اور کہا کہ ہم دشمنانِ خدا سے بیزاری کا اعلان کرتے ہیں اور ان کی مصنوعات کے اقتصادی بائیکاٹ کا عمل جاری رکھیں گے۔

یمنی مسلح افواج نے اعلان کیا کہ انہوں نے آج دو مختلف حملوں میں صہیونی ریاست کے اہم اہداف کو میزائلوں سے نشانہ بنایا، ان میں سے ایک حملہ امریکی طیارہ بردار جہاز ٹرومین اور اس کے جنگی طیاروں پر کیا گیا۔

ریلی کے اختتام پر جاری کردہ بیانیے میں کہا گیا کہ یہ لاکھوں افراد کی شرکت خود ایک زوردار تھپڑ ہے امریکہ اور اسرائیل کے منہ پر، ہم اپنی قرآنی اور ایمانی پوزیشن سے دستبردار نہیں ہوں گے، نہ منافقت اختیار کریں گے اور نہ ہی ذلت کی راہ اپنائیں گے۔

مزید پڑھیں:اسرائیل کا 2025 کا ڈراؤنا خواب؛ تل ابیب یمن سے نمٹنے میں ناکام کیوں؟

یہ مظاہرے 7 اکتوبر 2023 کو غزہ پر صہیونی حملوں کے آغاز سے اب تک ہر ہفتے بغیر کسی وقفے کے منعقد ہو رہے ہیں۔ یہ نہ صرف یمنی عوام کے غزہ سے تعلق کا اظہار ہیں بلکہ خطے میں مزاحمتی کیمپ کی عوامی بنیاد کو بھی ظاہر کرتے ہیں۔