اردن میں اسرائیلی سفارتخانہ پر فائرنگ، علاقے میں کشیدگی

🗓️ 24 نومبر 2024

سچ خبریں:خبری ذرائع کے مطابق اردن کے دارالحکومت عمان میں اسرائیلی سفارتخانہ پر فائرنگ کا واقعہ پیش آیا ہے۔

المیادین نیوز چینل کی رپورٹ کے مطابق، صیہونی میڈیا نے اطلاع دی ہے کہ ایک مسلح شخص نے اسرائیلی سفارت خانے پر چند منٹ تک فائرنگ کی۔

یہ بھی پڑھیں: ڈنمارک میں اسرائیلی حکومت کے سفارت خانے کے قریب 2 دھماکے

صیہونی میڈیا نے یہ بھی رپورٹ کیا کہ سفارت خانے کے مقام پر ایک سکیورٹی واقعہ پیش آیا ہے جس کے بعد اردنی پولیس نے سفارت خانے کے علاقے کو بند کر دیا ہے۔

رپورٹس کے مطابق، فائرنگ کی آواز سننے کے بعد اردنی سکیورٹی فورسز نے اسرائیلی سفارت خانے کی طرف جانے والے تمام راستے بند کر دیے ہیں۔

مزید پڑھیں: اردنیوں کا اسرائیلی سامان لے جانے والے ٹرکوں کو روکنے کا انوکھا انداز

مزید یہ کہ اردنی سکیورٹی حکام نے قریبی رہائشی علاقوں کی تلاشی شروع کر دی ہے اور اسرائیلی سفارت خانے کو مکمل محاصرے میں لے لیا ہے۔