پاکستان میں ایران اور امریکہ مذاکرات کا دوسرا دور غیر یقینی

?️ 21 اپریل 2026

سچ خبریں:المیادین کے مطابق ایران اور امریکہ کے درمیان دوسرے دور کے مذاکرات غیر یقینی ہیں، جبکہ ایران نے شرکت پر ابھی تک جواب نہیں دیا۔ پاکستان ثالثی کوششیں تیز کر رہا ہے۔

المیادین کے پاکستان میں موجود نامہ نگار کے مطابق ایران اور امریکہ کے درمیان مذاکرات کے دوسرے دور کی صورتحال ابہام کا شکار ہے اور اس حوالے سے کوئی حتمی پیش رفت سامنے نہیں آئی۔

اسلام آباد سے رپورٹ دیتے ہوئے المیادین کے نمائندے نے بتایا کہ آئندہ مذاکرات کے بارے میں ابھی تک صورتحال واضح نہیں ہے۔ رپورٹ کے مطابق ایران کی جانب سے دوسرے دور میں شرکت کے حوالے سے کوئی باضابطہ جواب موصول نہیں ہوا۔

دوسری جانب ایسوایٹڈ پریس نے پاکستانی حکام کے حوالے سے رپورٹ دی ہے کہ پاکستان نے گزشتہ چند گھنٹوں کے دوران واشنگٹن اور تہران دونوں سے رابطے تیز کر دیے ہیں تاکہ منگل کے روز مذاکرات دوبارہ شروع کرائے جا سکیں۔

رپورٹ کے مطابق ایران نے بحری محاصرہ جاری رکھنے اور ایرانی تجارتی جہازوں کی ضبطی کو امریکہ کی جانب سے جنگ بندی کی خلاف ورزی قرار دیا ہے، اور اسے اسلام آباد میں ہونے والے نئے مذاکرات کے راستے میں ایک بڑی رکاوٹ بتایا ہے۔