سچ خبریں:ڈاکٹروں کی بین الاقوامی تنظیم کا کہنا ہے کہ مشرقی لبنان سے پچاس ہزار لبنانی باشندے جبری نقل مکانی پر مجبور ہو گئے ہیں۔
فلسطین کے سما خبررساں ادارے کی رپورٹ مطابق ڈاکٹروں کی بین الاقوامی تنظیم نے اعلان کیا ہے کہ مشرقی لبنان کے علاقے بعلبک اور اس کے آس پاس سے پچاس ہزار لبنانی باشندے جبری نقل مکانی پر مجبور ہو گئے ہیں۔
یہ بھی پڑھیں: دنیا بھر میں جبری پناہ گزینوں کی تعداد 120 ملین تک پہنچی
رپورٹ کے مطابق یہ جبری نقل مکانی اسرائیلی حکومت کے انخلاء کے حکم کے بعد عمل میں آئی جس کے تحت ان علاقوں کو خالی کرنے کی ہدایت کی گئی ہے۔
لبنان پر اسرائیلی حملے کے بعد سے صہیونی حکومت بارہا لبنان کے مختلف علاقوں کے لیے انخلاء کے احکامات جاری کر چکی ہے، جس کے نتیجے میں ملک کے متعدد حصوں میں لبنانی باشندوں کی بڑی تعداد بے گھر ہو چکی ہے۔
مزید پڑھیں: کیا صیہونی حکومت فلسطینیوں کی جبری نقل مکانی کر سکے گی؟
بین الاقوامی تنظیم نے مشرقی لبنان سے بڑے پیمانے پر آوارہ ہونے والے افراد کے حوالے سے سنگین نتائج سے خبردار کیا ہے، تاہم اقوام متحدہ سمیت تمام عالمی ادارے اور انسانی حقوق کی ٹھیکیدار ہمیشہ کی طرح خاموش تماشائی بنے ہوئے ہیں۔
