غزہ کے خلاف نیا صیہونی حربہ

سچ خبریں:ذرائع کے مطابق اسرائیل اور فلسطینی اتھارٹی نے یاسر ابوشباب نامی مجرم کو غزہ میں بدامنی پھیلانے کی غرض سے اسلحہ و سازوسامان فراہم کیا ہے۔ 

عربی 21 کی رپورٹ کے مطابق اسرائیلی قابض حکومت نے جنوبی غزہ کے علاقے رفح میں بدامنی پھیلانے کے لیے ایک سکیورٹی مجرم کو استعمال کرنے کا منصوبہ بنایا ہے۔

ذرائع کے مطابق یاسر ابوشباب نامی ایک مشتبہ شخص، جو رفح میں مقیم ہے، ایک طرف اسرائیلی قابض افواج اور دوسری طرف فلسطینی اتھارٹی کی انٹیلیجنس سروس سے منسلک ہے۔

یہ بھی پڑھیں:غزہ میں جنگ بندی کے امریکی منصوبے کی حقیقیت ؛عطوان کی زبانی

ذرائع کا کہنا ہے کہ ابوشباب ماضی میں رفح اور کرم ابو سالم کے راستوں پر مسلح جھڑپوں میں ملوث رہا ہے اور اب وہ تل ابیب کے ایجنڈے کے تحت غزہ میں فتنہ انگیزی کا اہم مہرہ بن چکا ہے۔

مزید یہ کہ فلسطینی اتھارٹی اور اسرائیلی حکومت نے ابوشباب کو جدید اسلحہ اور جنگی سازوسامان فراہم کیا ہے اور اس سے کہا گیا ہے کہ وہ شرق رفح میں سرگرمیاں تیز کرے۔

ذرائع کے مطابق، فلسطینی اتھارٹی جو خود صہیونی منصوبوں میں ایک آلہ کار بن چکی ہے، غزہ پر کنٹرول حاصل کرنے کے لیے ایسے اقدامات کر رہی ہے۔ ابوشباب کو یہ ذمہ داری دی گئی ہے کہ وہ قبیلہ الترابین کے نوجوانوں کو بھرتی کرے اور انہیں اپنے منصوبوں میں شامل کرے۔

اس کے ساتھ ہی، اسرائیلی فوجیوں نے رفح کے مغربی علاقے تل زعرب میں ابوشباب کو ایک مخصوص علاقہ بھی دے رکھا ہے جہاں وہ اپنی سرگرمیاں انجام دے رہا ہے۔

مزید پڑھیں: غزہ جنگ بندی کے سلسلہ میں حزب اللہ کا بیان

تاہم، غزہ کے قبائل اور عشائر نے ان سازشوں اور بدامنی پھیلانے والے عناصر کی سرگرمیوں کی کھل کر مخالفت کی ہے، اور واضح پیغام دیا ہے کہ غزہ میں کسی بھی قسم کے فتنے کی اجازت نہیں دی جائے گی۔