ایران کے رہبر انقلاب سے نیتن یاہو کا خوف انتخابی مہم تک پہنچ گیا

?️ 17 اگست 2026

سچ خبریں:صہیونی حکومت کے وزیر اعظم بنیامین نیتن یاہو کی نئی انتخابی تشہیری مہم میں ایران کے رہبر انقلاب اسلامی، نیویارک کے میئر، ترکی کے صدر اور حزب اللہ کے سیکریٹری جنرل کو شامل کیا گیا ہے۔

رہبر انقلاب اسلامی ایران سے صیہونی حکومت کے وزیر اعظم کا خوف ان کی انتخابی تشہیری مہم میں بھی نمایاں ہو گیا۔

روسی خبر رساں ادارے رشیا ٹوڈے نے سماجی رابطے کے پلیٹ فارم ایکس پر اپنے صارفین کے لیے جاری کردہ پیغام میں صیہونی حکومت کے وزیر اعظم بنیامین نیتن یاہو کے رہبر انقلاب اسلامی ایران سے خوف و ہراس کی جانب اشارہ کیا۔

اس خبر رساں ادارے نے اس حوالے سے لکھا: نیتن یاہو کی نئی انتخابی تشہیر میں رہبر انقلاب اسلامی ایران سید مجتبیٰ خامنہ ای، نیویارک کے میئر ممدانی، ترکی کے صدر اردوغان اور حزب اللہ کے سیکریٹری جنرل شیخ نعیم قاسم کو ایک پیغام کے ساتھ یکجا کیا گیا ہے: وہ چاہتے ہیں کہ نیتن یاہو شکست کھائیں؛ انہیں کامیاب نہ ہونے دیں۔

یہ ایسے وقت میں ہے جب صہیونی حکومت کے آئندہ کنیسٹ انتخابات، یعنی پارلیمانی انتخابات کے انعقاد میں ابھی 2 ماہ سے زیادہ کا وقت باقی ہے اور نیتن یاہو لیکود پارٹی کے سربراہ کی حیثیت سے صہیونیوں کے درمیان اپنی کمزور ہوتی ہوئی سیاسی حیثیت کو دوبارہ بحال کرنے کی کوشش کر رہے ہیں۔