ایران کے خلاف فوجی آپشن ایک سنگین غلطی تھی:امریکی ایلچی

سچ خبریں:امریکہ کے سابق خصوصی ایلچی برائے ایران، راب مالی نے اسرائیل و امریکہ کی فوجی کارروائیوں کو خطرناک قرار دیتے ہوئے اعتراف کیا کہ ایران نہ صرف اپنے پیروں پر  کھڑا ہے بلکہ اس کی میزائل اور ایٹمی پالیسی مکمل خودمختاری پر مبنی ہے۔

ایم ایس این بی سی کی رپورٹ کے مطابق ایران کے امور پر امریکہ کے سابق خصوصی ایلچی راب مالی نے تہران کے خلاف امریکہ و اسرائیل کی جانب سے اپنائے گئے فوجی آپشن کو شدید تنقید کا نشانہ بنایا ہے۔

یہ بھی پڑھیں:ایران کے خلاف فوجی کاروائی کا مطلب شکست ہے:برطانوی مسلح افواج کے سابق سربراہ

 ان کا کہنا ہے کہ فوجی آپشن ایک بڑی اسٹریٹجک غلطی تھی جو مسئلے کا حل پیش نہیں کرتا، بلکہ مزید غیر یقینی اور طویل مدتی عدم استحکام کو جنم دیتا ہے۔

راب مالی نے واضح کیا کہ میری نظر میں، فوجی آپشن مسئلے کو حل نہیں کرتا بلکہ کئی پیچیدہ اور غیر متوقع نتائج پیدا کرتا ہے، جن کا ہم صرف دنوں یا ہفتوں میں نہیں بلکہ مہینوں اور برسوں تک سامنا کریں گے۔”

انہوں نے یہ بھی کہا کہ اگر وہ ایران کے رہبر اعلیٰ کی جگہ ہوتے تو ماضی کی صورتحال دیکھ کر خود سے کہتے کہ مجھے جوہری بم کی ضرورت ہے۔

راب مالی نے ایران کی مزاحمتی حکمتِ عملی کی تعریف کرتے ہوئے کہا کہ آپ ایک ایسے ملک کی بات کر رہے ہیں جو واقعی اپنے پیروں پر کھڑا ہے، اس کا بیلسٹک میزائل پروگرام ہمیشہ سے اولین ترجیح رہا ہے، یہ ایران کی قومی سلامتی کے بنیادی اہداف میں شامل ہے۔ چاہے اس پر پابندیاں ہوں یا نہ ہوں، ایران اس پروگرام کو جاری رکھے گا۔”

انہوں نے اس بات پر بھی روشنی ڈالی کہ اسرائیل کو ایران کے اس مستقبل سے خوف ہے جس میں تہران یورپ اور ممکنہ طور پر امریکہ کے ساتھ زیادہ معاشی تعلقات رکھتا ہو۔

مزید پڑھیں:ایران کے خلاف فوجی کارروائی ایک غلط فیصلہ تھا، تہران اب بھی طاقتور ہے

ماہرین کے مطابق، راب مالی کے یہ بیانات نہ صرف واشنگٹن کی ناکام ایران پالیسی پر تنقید ہیں بلکہ ایران کی اسٹریٹجک خودمختاری اور مزاحمتی طاقت کا کھلا اعتراف بھی ہیں۔