پیوٹن اور ٹرمپ کی ملاقات کے بارے میں کرملین کا اظہار خیال 

سچ خبریں:کرملین کے ترجمان دیمتری پسکوف نے ولادیمیر پیوٹن اور ڈونلڈ ٹرمپ کی ملاقات کو ناگزیر قرار دیتے ہوئے کہا کہ اس ملاقات کے لیے مختلف سطحوں پر تیاری درکار ہے جبکہ تاریخ اور مقام کا تعین ابھی باقی ہے۔

روسی صدارتی محل کرملین کے ترجمان دیمتری پسکوف نے روسی صدر ولادیمیر پیوٹن اور امریکی سابق صدر ڈونلڈ ٹرمپ کے درمیان ملاقات کو ضروری قرار دیتے ہوئے کہا ہے کہ ایسی ملاقات دونوں ملکوں کے تعلقات کی نوعیت کے پیشِ نظر ناگزیر ہے۔

یہ بھی پڑھیں: امریکہ اور روس کے درمیان کیا چل رہا ہے؟

ٹاس خبر رساں ایجنسی کی رپورٹ کے مطابق، پسکوف نے کہا کہ ہم پہلے بھی کئی بار کہہ چکے ہیں کہ روس اور امریکہ کے رہنماؤں کی ملاقات اہم موضوع ہے، اور ہم سمجھتے ہیں کہ یہ ملاقات بلا شبہ ضروری ہے۔

پسکوف نے مزید کہا کہ اس ملاقات کو مؤثر بنانے کے لیے مناسب تیاری اور مختلف سطحوں پر اقدامات کی ضرورت ہوگی۔

انہوں نے کہا کہ یہ ملاقات اتفاقاً نہیں ہو سکتیم اسے درست طریقے سے تیاّر کیا جانا چاہیے، اور دونوں ممالک کے درمیان جاری رابطوں کو برقرار رکھنا بھی ضروری ہے۔

مزید پڑھیں: امریکہ اور روس کی ممکنہ ایٹمی جنگ میں 5 ارب سے زیادہ لوگوں کے مارے جانے کا خطرہ

ابھی تک پیوٹن اور ٹرمپ کے ممکنہ ملاقات کی تاریخ یا مقام کا کوئی باضابطہ اعلان نہیں ہوا۔ تاہم اس سے قبل ڈونلڈ ٹرمپ نے دعویٰ کیا تھا کہ وہ ممکنہ طور پر مئی میں سعودی عرب میں پوتین سے ملاقات کر سکتے ہیں۔