جیمی کارٹر 100 کا سال کی عمر میں انتقال

30 دسمبر 2024

سچ خبریں:سابق امریکی صدر جیمی کارٹر، جو 100 سال کی عمر میں دنیا کے سب سے معمر سابق صدر تھے، آج اپنے آبائی گھر جارجیا میں انتقال کر گئے۔

روئٹرزخبر رساں ادارے کی رپورٹ کے مطابق سابق امریکی صدر جیمی کارٹر کے بیٹے جیمز کارٹر نے اپنے والد کے انتقال کی تصدیق کی، تاہم موت کی وجہ ظاہر نہیں کی۔

یہ بھی پڑھیں: ریگن انتظامیہ کے قومی سلامتی کے مشیر مک فارلین کا انتقال

یاد رہے کہ جیمی کارٹر کی اہلیہ روزالین کارٹر بھی نومبر 2023 میں 96 سال کی عمر میں وفات پا گئی تھیں، دونوں نے 77 سالہ ازدواجی زندگی گزاری جو امریکی صدور میں ایک ریکارڈ ہے۔

کارٹر کی صدارت کا دور 1979 میں ایران میں اسلامی انقلاب اور تہران میں امریکی سفارت خانے کے قبضے جیسے اہم واقعات سے جڑا ہوا تھا۔

انہوں نے جاسوسوں کی رہائی کے لیے فوجی کارروائی کا حکم دیا، لیکن یہ مشن طبس کے صحرا میں طوفان کی نذر ہو گیا۔

1980 کے صدارتی انتخابات میں کارٹر کو رونالڈ ریگن سے شکست کا سامنا کرنا پڑا، ایران میں امریکی جاسوسوں کی 444 دنوں تک طویل قید اور ان کی رہائی میں تاخیر ان کے سیاسی کیریئر کے خاتمے کی اہم وجوہات میں شامل تھیں۔