اسرائیل کا لبنان کو غیرمعمولی پیغام؛ 2026 تک ابراہیم معاہدہ پر دستخط کریں

?️ 7 دسمبر 2025

سچ خبریں:اسرائیل نے اپنے سفیر کے ذریعے لبنان کو پیغام دیا ہے کہ اگر وہ صلح، اقتصادی ترقی اور باہمی تعاون چاہتے ہیں تو 2026 تک ابراہیم معاہدہ دو پر دستخط کریں اور حزب اللہ کو غیرمسلح کرنے کی جانب قدم بڑھائیں۔

صیہونی اخبار یدیعوت احرونٹ کی رپورٹ کے مطابق اسرائیل نے لبنان کو ایک غیرمعمولی پیغام دیتے ہوئے مطالبہ کیا ہے کہ وہ سال 2026 تک ابراہیم معاہدہ دو پر دستخط کرے۔ یہ پیغام امریکہ میں تعینات اسرائیلی سفیر کے ذریعے بیروت تک پہنچایا گیا ہے۔

یہ بھی پڑھیں:جنوبی لبنان میں دیوار کی تعمیر میں اسرائیل کے مقاصد/ نواف سلام کی حکومت کے لیے انتباہ

رپورٹ کے مطابق یحیئیل لایٹر، جو اسرائیل کے سفیر اور وزیرِاعظم بنیامین نیتن یاہو کے انتہائی قریبی افراد میں شمار ہوتے ہیں، نے ایک لبنانی میڈیا ادارے کو انٹرویو دیتے ہوئے لبنان کے حکام کے لیے واضح شرائط بیان کیں۔ ان کا کہنا تھا کہ اگر لبنان صلح چاہتا ہے، اقتصادی ترقی کی راہ ہموار کرنا چاہتا ہے اور اسرائیل کے ساتھ مشترکہ تعاون کے امکانات چاہتا ہے، تو اسے لازماً حزب اللہ کے خلعِ سلاح کی جانب پیش رفت کرنا ہوگی۔

عبرانی میڈیا کے مطابق اسرائیلی سفیر کا یہ انٹرویو اس اجلاس کے چند روز بعد سامنے آیا ہے جو ناقورہ میں اسرائیلی اور لبنانی نمائندوں کے درمیان منعقد ہوا تھا۔ یہ ایسے وقت میں ہے جب اسرائیل ایک نئی ممکنہ جنگ کے لیے خود کو تیار کر رہا ہے اور اس کی دلیل حزب اللہ کے خلاف مسلسل بیانیہ سازی ہے۔

مزید پڑھیں:لبنان کے تحولات کے تناظر میں حزب اللہ کی غیرمسلح سازی کیوں ناممکن ہے؟

صیہونی اخبار نے تسلیم کیا ہے کہ اسرائیل نے آتش‌بس کے اعلان کے بعد بھی لبنان میں مختلف اہداف کے خلاف ہزاروں حملے انجام دیے ہیں۔