مراکش میں داعش کا خطرناک دہشتگردانہ منصوبہ ناکام 

سچ خبریں:مراکش کی حکام نے داعش کے ایک خطرناک دہشت گردی منصوبے کو ناکام بنانے کی خبر دی ہے جس نے ملک کو شدید خطرے میں ڈالا تھا۔

اناطولی نیوز ایجنسی کی رپورٹ کے مطابق مراکشی حکام نے بدھ کے روز اعلان کیا کہ انہوں نے ایک ایسا دہشت گردی منصوبہ ناکام بنا دیا ہے جو ملک کی سلامتی کے لیے ایک سنگین خطرہ تھا، یہ منصوبہ معلومات کی درستگی کی بنیاد پر ناکام بنایا گیا۔

یہ بھی پڑھیں:تمام ممالک اپنے شہرکے داعشیوں کے کو واپس لیں: عراقی وزیر خارجہ

مراکش کے حکام کے مطابق، اس منصوبے کے تحت کئی شہروں میں دہشت گردانہ حملے کرنے کی تیاری کی جا رہی تھی، ان شہروں میں العیون، دارالبیضاء، فاس، طنجہ، ازمور، جرسیف، اولاد تایمہ اور تمسنے شامل تھے۔

 ان علاقوں میں سکیورٹی آپریشنز کے دوران 12 انتہا پسندوں کو گرفتار کیا گیا، جن کی عمریں 18 سے 40 سال کے درمیان ہیں۔

مزید پڑھیں:پاکستان نے افغانستان کے داعش کو سپورٹ کرنے کے الزامات سختی سے مسترد کردیے

مراکشی حکام نے بتایا کہ یہ افراد داعش کے ساتھ بیعت کر چکے تھے اور خطرناک دہشت گردی کارروائیوں کی منصوبہ بندی اور تنظیم میں ملوث تھے جو ساحل آفریقہ کے علاقے میں داعش کے معروف رہنما کے نگرانی میں کی جا رہی تھیں۔