صیہونیوں کے ہاتھوں آیت اللہ سیستانی کی بے حرمتی پر عراق کا سخت ردعمل

?️ 10 اکتوبر 2024

سچ خبریں: عراقی صدر نے ایک بیان میں صیہونی ریاست کی جانب سے عراق کے اعلیٰ شیعہ مرجع آیت اللہ سیستانی کی بے حرمتی پر شدید ردعمل کا اظہار کیا ہے۔

عراقی صدر کے اطلاع رسانی پلیٹ فارم کے مطابق اسرائیلی چینل 14 نے ایک تصویر جاری کی جس میں آیت اللہ العظمیٰ سیستانی کو دیگر مزاحمتی رہنماؤں کے ساتھ اسرائیل کے ممکنہ قتل کے اہداف میں شامل دکھایا گیا، اس گستاخانہ حرکت پر عراق کے صدر نے ایک بیان جاری کیا۔

یہ بھی پڑھیں: اسلامی مقدسات کی توہین کیسے بند ہوگی؟ ترک صدر کیا کہتے ہیں؟

اس بیان میں عراقی صدر نے عراق اور دنیا کے اعلیٰ مرجع کی توہین کی شدید مذمت کی اور ایسے اقدامات کو مسترد کیا۔

بیان میں تمام مذاہب اور اسلامی یا غیر اسلامی مقدسات کے احترام کی ضرورت پر زور دیا گیا اور کہا گیا کہ یہ بے حرمتی ایک کھلی جارحیت ہے جو خطے میں مزید تشدد اور خطرے کا باعث بنے گی۔

عراقی صدر نے عالمی برادری سے مطالبہ کیا کہ وہ مؤثر اقدامات کرے اور ایسی نفرت انگیزیوں کے خلاف فوری موقف اپنائے جو اقوام کے درمیان دشمنی کو ہوا دیتی ہیں۔

مزید پڑھیں: آیت اللہ سیستانی کا اقوام متحدہ سے مطالبہ

بیان میں عراق کی جانب سے فلسطین اور لبنان پر اسرائیلی حملوں کو روکنے کی کوششوں کو مزید مضبوط کرنے کے عزم کا اعادہ کیا گیا اور فلسطینی عوام کے حق خود ارادیت اور مکمل فلسطینی ریاست کے قیام کی عراق کی اصولی حمایت پر زور دیا گیا۔