اسرائیل کے خلاف ایران کا حالیہ میزائل حملہ سب سے بڑا اور کامیاب آپریشن تھا؛عربی چینل

سچ خبریں:عربی نیوز چینل المیادین کے مطابق، ایران کا حالیہ میزائل حملہ اسرائیل کے خلاف اب تک کا سب سے بڑا اور مؤثر حملہ ہے۔ اسرائیلی ذرائع کے مطابق، ایران نے 40 سے زائد بیلسٹک میزائل داغے، جن سے شمالی اسرائیل میں جانی نقصان ہوا۔

عربی نیوز چینل المیادین نے اپنی رپورٹ میں انکشاف کیا ہے کہ ایران کی جانب سے حالیہ میزائل حملہ اسرائیل کے خلاف اب تک کا سب سے بڑا اور کامیاب حملہ قرار پایا ہے۔

یہ بھی پڑھیں:ایرانی میزائلوں نے تل ابیب کو ہلا کر رکھ دیا، صیہونیوں کا اعتراف 

رپورٹ کے مطابق، المیادین کے تہران میں موجود نمائندے نے بتایا کہیہ آپریشن ایران کی جانب سے فلسطینِ اشغالی کے خلاف انجام دیے گئے تمام حملوں میں سب سے بڑا اور مؤثر تھا۔

اسرائیلی میڈیا نے بھی اس حملے کی شدت کا اعتراف کرتے ہوئے بتایا ہے کہ ایران نے حالیہ کارروائی میں 40 سے زائد بیلسٹک میزائل اسرائیل کی طرف داغے۔

اسرائیلی چینل 14 کے مطابق، شمالی اسرائیل میں ایرانی میزائل حملوں کے نتیجے میں 2 افراد ہلاک اور متعدد زخمی ہوئے ہیں۔

جبکہ اسرائیل کے چینلز 12 اور 13 نے اپنی رپورٹوں میں بتایا ہے کہ امدادی تنظیم ‘نجات و ایمرجنسی’ نے تصدیق کی ہے کہ حملے کے نتیجے میں الجلیل الغربی (شمالی اسرائیل) میں 6 افراد زخمی ہوئے،اطلاعات کے مطابق، ان زخمیوں میں سے ایک فرد کی حالت تشویشناک ہے جبکہ دیگر پانچ کو معمولی زخم آئے ہیں۔

مزید پڑھیں:اسرائیل ایرانی میزائیلز کو روکنے میں ناکام، ہنگامی صورتحال کا اعلان

یہ حملہ وعدہ صادق 3 آپریشن کے تحت کیا گیا، جو عید غدیر کی شب ایرانی سپاہ پاسداران کی جانب سے انجام دیا گیا،حملے میں درجنوں میزائل اور ڈرونز استعمال کیے گئے جو اسرائیلی دفاعی نظام کی متعدد پرتوں کو عبور کرتے ہوئے اہم فوجی و شہری اہداف پر گرے۔