مقبوضہ کشمیر میں بچوں کے خلاف بھارتی مظالم، پاکستان نے اقوام متحدہ میں اہم قدم اٹھالیا

🗓️ 30 جون 2021

جنیوا (سچ خبریں) آج (بدھ) کو پاکستانی میڈیا نے بتایا کہ اسلام آباد نے اقوام متحدہ کی سلامتی کونسل سے متاثرہ علاقوں خصوصا جموں و کشمیر میں بچوں کے تحفظ کے لئے فوری کارروائی کرنے کا مطالبہ کیا ہے۔

تفصیلات کے مطابق اقوام متحدہ میں پاکستان کے دائمی مندوب منیر اکرم نے اقوام متحدہ کی سلامتی کونسل سے جھڑپوں ہونے والے علاقوں اور بالخصوص مقبوضہ کشمیر کے بچوں کے تحفظ کے لیے فی الفور اقدامات اٹھانے کی اپیل کی۔

مقامی پریس میں شائع خبروں کے مطابق تحریری اپیل میں منیر اکرم نے بھارتی فوج کی جانب سے قصدی طور پر بچوں کو پیلٹ گنوں سے ہدف بنانے پر توجہ مبذول کرائی ہے۔

منیر اکرم نے جھوٹ موٹ کی جھڑپوں اور چھاپے مارنے کی کاروائیوں کے دوران بچوں اور خواتین سمیت 300 معصوم کشمیریوں کے اپنی جانوں سے ہاتھ دھوبیٹھنے کی طرف اشارہ کرتے ہوئے سلامتی کونسل سے تمام تر جھڑپوں کے علاقوں اور مقبوضہ کشمیر کے بچوں کے تحفظ کے لیے فی الفور اقدامات اٹھانے کی اپیل کی۔

یاد رہے کہ اقوام متحدہ کے سیکرٹری جنرل نے بھی بھارت پر زور دیا ہے کہ وہ مقبوضہ کشمیر میں بچوں پر پیلٹ گن کا استعمال کرنا فوری طور پر بند کرے، معصوم جانوں کے ساتھ دوبارہ سے ایسا مؤقف اختیار کرنے کی کوشش نہ کی جائے، جس پر پاکستانی دفتر خارجہ نے اپنے بیان میں اقوام متحدہ کی رپورٹ کا خیر مقدم کرتے ہوئے گوٹرش کی مقبوضہ کشمیر میں بھارتی انسانی حقوق کی خلا ف ورزیوں کو دستاویزی شکل دینے کی کوششوں کو سراہا تھا۔

اقوام متحدہ کی سلامتی کونسل کی رپورٹ بچوں اور مسلح تصادم کی روشنی میں جنرل سیکرٹری انتونیو گوتریس نے مطالبہ کیا کہ بھارت بچوں کو سیکیورٹی فورسز سے منسلک نہ کرے اور بچوں پر پیلٹ گن کے استعمال سے گریز کرے۔

سیکرٹری جنرل انتونیو گوتریس نے مزید کہا کہ بھارتی فوج کے کشمیر میں بچوں کے خلاف سنگین خلاف ورزیوں کی رپورٹس نے مجھے غم زدہ کردیا ہے، میں اس صورت حال پر پریشان ہوں۔