صیہونی فوج میں خودکشی کے بڑھتے واقعات؛صیہونی اخبار کی رپورٹ

?️ 26 اپریل 2026

سچ خبریں:صیہونی اخبار ہارٹیز کے مطابق صہیونی فوج میں خودکشی کے واقعات میں اضافہ ہوا ہے، جسے غزہ، لبنان اور ایران کے محاذوں پر جاری جنگوں کے اثرات قرار دیا جا رہا ہے۔

عبری زبان کے اخبار ہارٹیز نے رپورٹ دی ہے کہ صیہونی فوجیوں کے درمیان خودکشی کے واقعات میں حالیہ مہینوں کے دوران تشویشناک اضافہ دیکھا جا رہا ہے۔

المیادین نیوز ایجنسی کی رپورٹ کے مطابق صہیونی میڈیا کے مطابق کم از کم آٹھ فوجیوں اور تین ریزرو اہلکاروں نے اسی مہینے کے دوران خودکشی کی ہے۔

رپورٹ میں کہا گیا ہے کہ خطے میں خصوصاً غزہ، لبنان اور ایران کے محاذوں پر جاری جنگی سرگرمیوں اور طویل عرصے سے جاری تنازعے نے صیہونی فوجیوں میں شدید ذہنی دباؤ، تھکن اور حوصلے کی کمی پیدا کر دی ہے، جس کے نتیجے میں خودکشی کے واقعات بڑھ رہے ہیں۔