سیکڑوں صیہونی کمپنیاں دیوالیہ پن کے دہانے پر

?️ 25 مئی 2026

سچ خبریں:صیہونی میڈیا نے قبول کیا کہ مقبوضہ علاقوں میں معاشی بحران گہرا ہو رہا ہے، 270 سے زائد ٹھیکیدار دیوالیہ ہو چکے جبکہ سیکڑوں کمپنیاں بند ہونے کے خطرے سے دوچار ہیں۔

صیہونی میڈیا نے مقبوضہ علاقوں میں خراب معاشی صورتحال کو تسلیم کر لیا ہے۔

المیادین نیوز چینل کی رپورٹ کے مطابق صیہونی میڈیا نے اعتراف کیا کہ گزشتہ 4 ماہ کے دوران مزدوروں کی کمی، شرح سود میں اضافے اور تعمیراتی لاگت بڑھنے کی وجہ سے 270 سے زائد ٹھیکیدار دیوالیہ ہو چکے ہیں۔

اس رپورٹ میں مزید کہا گیا ہے کہ تعمیرات کے شعبے میں مزدوروں کی کمی اور بڑھتی لاگت کی وجہ سے سیکڑوں کمپنیاں دیوالیہ پن کے دہانے پر ہیں۔

عبرانی اخبار ہاریٹز نے بھی رپورٹ کیا کہ نتین یاہو کی فتح کی پیش گوئیاں امریکہ کی واضح پسپائی کے ساتھ ختم ہو گئیں اور تل ابیب حزب اللہ کے مقابلے میں بے بس نظر آتا ہے۔

اس سے قبل یہ بھی رپورٹ دی گئی تھی کہ مقبوضہ فلسطین کے شمالی علاقوں خاص طور پر قریات شمونا اور دیگر علاقوں کے رہائشیوں اور مقامی حکام نے صیہونی حکومت اور نتنیاہو کی کابینہ کی کارکردگی پر غم و غصے کا اظہار کرتے ہوئے کہا کہ شمالی محاذ پر صیہونی کمانڈروں نے حزب اللہ کے سامنے اپنی افواج کو چھوڑ دیا ہے۔