لبنان پر تازہ ترین صیہونی جارحیت؛دسیوں شہری شہید اور زخمی

?️ 25 مئی 2026

سچ خبریں:صیہونی حکومت کے لبنان پر وحشیانہ حملوں کی تازہ ترین لہر کے نتیجے میں 17 شہید اور 30 سے زائد زخمی ہو گئے، جبکہ امدادی کارکن بھی نشانہ بنائے گئے۔

رپورٹ کے مطابق لبنان کے خلاف صیہونی حکومت کے وحشیانہ حملوں کی تازہ ترین لہر کی وجہ سے گزشتہ روز تقریبا 50 افرادشہید اور زخمی ہوئے۔

آر ٹی نیوز ایجنسی کی رپورٹ کے مطابق لبنان میں موجود فیلڈ ذرائع نے اعلان کیا کہ صیہونی حکومت کے عرب صالیم، جبشیت، عبا، النمیریہ، الدویر، صیر، مشغرہ، بقاع غربی، الزراریہ اور درجنوں دیگر علاقوں پر حملوں کے نتیجے میں کم از کم 17 افراد شہید اور 30 سے زائد زخمی ہوئے ہیں۔

لبنان کی وزارت صحت نے بھی اعلان کیا کہ حملوں کی اس لہر کے دوران ایک امدادی اہلکار شہید ہو گیا جبکہ متعدد دیگر زخمی بھی ہوئے ہیں۔

لبنانی وزارت نے صیہونی حکومت کی جانب سے امدادی کارکنوں کے خلاف جاری جان بوجھ کر کیے جانے والے حملوں کی مذمت کی، یاد رہے کہ اب تک لبنان کے خلاف قابض صیہونی حکومت کی جانب سے کی جانے والی جارحیت کے نتیجے میں تین ہزار 151 افراد شہید اور 9 ہزار 571 دیگر زخمی ہو چکے ہیں جبکہ عالمی براداری خاموش تماشائی بنی ہوئی ہے۔