سچ خبریں:امریکی روزنامہ وال اسٹریٹ جرنل نے عرب ثالثوں کے حوالے سے انکشاف کیا ہے کہ غزہ میں جنگ بندی کے مذاکرات، اسرائیلی رکاوٹوں کی وجہ سے ناکامی سے دوچار ہو گئے ہیں۔
الجزیرہ نیوز چینل کی رپورٹ کے مطابق، وال اسٹریٹ جرنل نے عرب ذرائع کے حوالے سے بتایا کہ حماس اور اسرائیل کے درمیان جنگ بندی مذاکرات اپنے آخری مراحل میں پہنچ کر تعطل کا شکار ہو گئے ہیں۔
یہ بھی پڑھیں: صہیونی میڈیا کی غزہ میں جنگ بندی مذاکرات کے بارے میں نئی تفصیلات
ذرائع نے بتایا کہ اسرائیل صرف زندہ مغویوں کی رہائی پر اصرار کر رہا ہے اور فلسطینی قیدیوں کی آزادی کی کسی بھی تجویز کو مسترد کر چکا ہے۔
ان ذرائع کے مطابق، مذاکراتی معاہدے میں گزشتہ موسم بہار سے کوئی پیشرفت نہیں ہوئی اور دونوں فریقین کے درمیان قیدیوں کے معاملے پر گہرا اختلاف موجود ہے۔
ذرائع کا کہنا ہے کہ ڈونلڈ ٹرمپ کے دوبارہ امریکہ کا صدر بننے کے بعد، اسرائیل اور حماس کے درمیان مذاکرات کا دوبارہ آغاز ممکن ہے۔
مزید پڑھیں: غزہ جنگ بندی کے معاہدے میں کون رکاوٹ پیدا کر رہا ہے؟ حماس
قابل ذکر ہے کہ یہ صورتحال غزہ میں جاری انسانی بحران کو مزید سنگین بنا سکتی ہے جس کے پیش نظر عالمی برادری کو اس معاملے میں فوری توجہ کرنا چاہیے۔
