سچ خبریں: وینزویلا کے صدر نے اعلان کیا ہے کہ رواں سال کے آخر میں روس اور وینزویلا 10 سالہ اسٹریٹیجک شراکت داری کا معاہدہ کریں گے۔
اسپوٹنک نیوز ایجنسی کی رپورٹ کے مطابق وینزویلا کے صدر نیکلاس مادورو نے ایک ٹی وی انٹرویو میں کہا کہ روس اور وینزویلا کا ارادہ ہے کہ دسمبر میں ہونے والے بین الحکومتی کمیشن کے اجلاس میں 10 سالہ اسٹریٹیجک اتحاد کا معاہدہ کیا جائے۔
یہ بھی پڑھیں: روس اور وینزویلا کو تقسیم کرنے کی امریکی سازش: نیویارک ٹائمز
انہوں نے کہا کہ ہمارے نائب صدر دلسی روڈریگیز نے رپورٹ دی ہے کہ دونوں ممالک کا بین الحکومتی کمیشن سال کے آخر میں منعقد ہوگا اور اس اجلاس میں ہم 10 سالہ اسٹریٹیجک اتحاد کا معاہدہ کریں گے۔
نیکلاس مادورو نے مزید کہا کہ وینزویلا روس کو بڑی اور اچھی بہن سمجھتا ہے اور روس وینزویلا کو لاطینی امریکہ میں ایک اہم اور بنیادی قوت سمجھتا ہے۔
یاد رہے کہ روڈریگیز نے ستمبر کے آخر میں ماسکو کا دورہ کیا اور روس کے نائب وزیر اعظم دمتری چرنیشنکو سے ملاقات کی جو دونوں ممالک کے مشترکہ بین الحکومتی کمیشن کے سربراہ بھی ہیں۔
روڈریگیز اور چرنیشنکو کے مذاکرات کے بعد وینزویلا کی وزارت خارجہ نے اس بات کی تصدیق کی کہ بین الحکومتی کمیشن کا اگلا اجلاس سال کے آخر میں کاراکاس میں منعقد ہوگا۔
مزید پڑھیں: وینزویلا میں ان دنوں کیا ہو رہا ہے؟
وینزویلا کے صدر نے مزید کہا کہ روس کے ساتھ وینزویلا کے گہرے، اسٹریٹیجک اور برادرانہ تعلقات ہیں، کمانڈر ہوگو شاویز اور ولادیمیر پیوٹن نے ایک حیرت انگیز چیز تخلیق کی، میں نے ایک رکن اسمبلی کے طور پر اس میں تعاون کیا اور پھر صدر بن کر تمام شعبوں میں تعلقات کو مضبوط کیا۔
