جنگی مجرم بھی نوبل امن انعام کے لیے نامزد کرنے لگے؛ صہیونی تجزیہ کار کا طنز

سچ خبریں:ایک صہیونی تجزیہ کار نے قابض وزیراعظم نیتن یاہو کی جانب سے ٹرمپ کو نوبل امن انعام کے لیے نامزد کرنے پر طنزیہ تبصرہ کرتے ہوئے کہا کہ جنگی جرائم کے ملزم کی سفارش کی کوئی وقعت نہیں، نیتن یاہو نے اپنے مقدمات پر اثر انداز ہونے کے لیے ٹرمپ کی حمایت حاصل کی ہے۔

معا نیوز ایجنسی کی رپورٹ کے مطابق، صہیونی تجزیہ کار بن کاسبیت نے صہیونی وزیراعظم بنیامین نیتن یاہو کے اس اقدام پر طنز کیا ہے جس میں انہوں نے امریکہ میں سابق صدر ڈونلڈ ٹرمپ کو نوبل امن انعام کے لیے نامزد کرنے کی سفارش کی۔

بن کاسبیت نے کہا کہ اگر کوئی یہ سمجھتا ہے کہ ایک ایسے شخص (نیتن یاہو) کی سفارش جس کے خلاف بین الاقوامی فوجداری عدالت نے جنگی جرائم کے الزام میں گرفتاری کا وارنٹ جاری کیا ہے نوبل انعام کے فیصلے پر اثرانداز ہو سکتی ہے، تو میں اسے اچھی قسمت کی دعا دیتا ہوں!

انہوں نے مزید کہا کہ اس وقت جب اسرائیل اور حماس کے درمیان قیدیوں کا تبادلہ ابہام کا شکار ہے، ٹرمپ اور نیتن یاہو کے درمیان کامیاب معاہدے طے پا چکے ہیں۔

 بن کاسبیت کے مطابق، ٹرمپ نے اسرائیلی عدلیہ پر نیتن یاہو کے مقدمات میں اثر ڈالنے کی کوشش کی اور نیتن یاہو نے اوسلو کو ایک خط لکھا ہے جس میں ٹرمپ کو نوبل انعام دینے کی سفارش کی گئی ہے۔

مزید پڑھیں:حکومت ٹرمپ کیلئے نوبل انعام کی سفارش واپس لے۔ مولانا فضل الرحمان

نیتن یاہو نے اپنی امریکہ میں ٹرمپ سے ملاقات کے دوران مبالغہ آرائی کرتے ہوئے کہا: ٹرمپ نوبل امن انعام کے حقدار ہیں اور میں نے انہیں اس انعام کے لیے نامزد کیا ہے!