صیہونی ایٹمی و سکیورٹی اسناد ایران کے ہاتھ لگنے پر عبری میڈیا میں کھلبلی

سچ خبریں:عبری ذرائع ابلاغ نے ایران کے ہاتھوں اسرائیل کی ایٹمی و خفیہ اسناد کے حصول کو سکیورٹی بحران قرار دیا ہے۔ اسرائیلی وزارت جنگ خاموش، جب کہ ایرانی ذرائع مستقبل قریب میں مزید تفصیلات اور ویڈیوز جاری کرنے والے ہیں۔

ایران کے ہاتھوں اسرائیل کی خفیہ ایٹمی اور سکیورٹی اسناد کے حصول کی سرکاری تصدیق کے بعد، صہیونی ذرائع ابلاغ میں شدید ردعمل سامنے آیا ہے،اگرچہ صیہونی وزارت جنگ نے مکمل خاموشی اختیار کر رکھی ہے، لیکن عبرانی زبان کے بڑے میڈیا اداروں نے اسے ایک بڑا سکیورٹی بحران اور خطرناک نفوذ قرار دیا ہے۔

یہ بھی پڑھیں:صہیونی حکومت کے ہاتھوں ایران کے لیے جاسوسی کے الزام میں مشرقی قدس کا شہری گرفتار

صیہونی ٹی وی چینل شبکہ 12 نے رپورٹ دی ہے کہ ایران نے باضابطہ طور پر اعلان کیا ہے کہ وہ اسرائیل کے ایٹمی منصوبوں سے متعلق ہزاروں حساس، سکیورٹی اور خفیہ دستاویزات حاصل کر چکا ہے اور انہیں فلسطین اشغالی سے باہر نکال لیا ہے۔

اس رپورٹ کے مطابق، ایرانی سرکاری ذرائع کے علاوہ المیادین اور تسنیم نیوز نے بھی اس کامیابی کی تفصیلات جاری کی ہیں، جن میں دیمونا جیسے ایٹمی مراکز کی معلومات شامل ہیں۔

رپورٹ میں دعویٰ کیا گیا ہے کہ روی مزراحی اور الموگ اتیاس نامی دو 25 سالہ اسرائیلی نوجوان، جنہیں حال ہی میں ایران کے لیے جاسوسی کے الزام میں گرفتار کیا گیا، اس آپریشن میں ملوث ہو سکتے ہیں۔

ان پر الزام ہے کہ انہوں نے صیہونی وزیر جنگ یسرائیل کاتس کی رہائش گاہ کے قریب نگرانی کے کیمرے نصب کیے تھے۔

مشہور عبری ویب سائٹ واللا نیوز نے ایران کے اس اقدام کو گہرے نفوذ کا ثبوت قرار دیتے ہوئے کہا کہ ایران کو دیمونا ایٹمی ری ایکٹر سمیت کئی خفیہ مراکز کی دستاویزات تک رسائی حاصل ہوئی ہے۔

رپورٹ میں کہا گیا ہے کہ ان اسناد کی مقدار اتنی زیادہ ہے کہ ان کا تجزیہ اور جانچ کئی ہفتے یا مہینے لے سکتی ہے،ایرانی ذرائع کے مطابق، یہ اسناد ایران کے سکیورٹی مراکز میں منتقل کی جا چکی ہیں اور ان پر کام جاری ہے۔

روزنامہ معاریو نے اسے ایک پریشان کن انکشاف قرار دیتے ہوئے لکھا کہ ایران نے اسرائیل کی حساس ایٹمی تنصیبات اور منصوبوں سے متعلق ہزاروں خفیہ فائلیں چرا لی ہیں،اخبار کے مطابق، ان دستاویزات کے ساتھ کئی تصاویر اور ویڈیوز بھی موجود ہیں جنہیں ایران جلد جاری کر سکتا ہے۔

صفحات اینتل ٹائمز اور دیگر خفیہ اداروں سے وابستہ آن لائن ذرائع کا کہنا ہے کہ یہ نفوذ ممکنہ طور پر اس ہیکنگ کا حصہ ہو سکتا ہے جس کا اعلان مارچ میں گروپ Anonymous نے کیا تھا، جس میں کہا گیا تھا کہ اسرائیلی نیوکلیئر ریسرچ سینٹرز کو ہیک کیا گیا ہے۔

یہ خبر ایسے وقت میں سامنے آئی ہے جب کچھ عرصہ قبل عبری سائٹ شاموریم نے اسرائیلی وزارتِ داخلی سلامتی سے وسیع سطح پر معلومات چوری ہونے کا انکشاف کیا تھا، جس کے مطابق ہزاروں اسرائیلیوں کی معلومات خطرے میں پڑ چکی ہیں،اس وقت بھی حکام مکمل طور پر لاعلم رہے اور میڈیا پر پابندی عائد رہی۔

عبری میڈیا کے مطابق، اسرائیلی وزارت جنگ اور سکیورٹی ادارے اس مسئلے پر تبصرہ کرنے سے انکار کر رہے ہیں،ادھر ایران کے سرکاری ذرائع نے اشارہ دیا ہے کہ آنے والے دنوں میں اس کامیاب آپریشن کی مزید تفصیلات اور ویڈیوز عوام کے سامنے لائی جائیں گی۔

مزید پڑھیں:ایران کی کامیابی؛ موساد کے سربراہ کی برکناری کا امکان، اسنادِ تل آویو ایران کے ہاتھ

یہ واقعہ اسرائیل کے لیے نہ صرف سکیورٹی لحاظ سے ایک خطرناک جھٹکا ہے، بلکہ بین الاقوامی سطح پر اس کی ساکھ پر بھی منفی اثر ڈال رہا ہے،تحلیل نگاروں کے مطابق یہ افشاگری اسرائیل کی ہیکنگ اور سکیورٹی میں بڑی ناکامی کی علامت ہے اور ایران کے لیے ایک انٹیلیجنس فتح ہے۔