چین کا تجارتی اور ٹیکس جنگ پر دوٹوک مؤقف

سچ خبریں:چین نے واضح کیا ہے کہ وہ اپنے اقتصادی مفادات کے خلاف مسلط کی جانے والی تجارتی اور تعرفہ جنگوں کا بھرپور اور قاطعانہ جواب دے گا۔ 

روسی خبررساں ادارے روسیا الیوم کی رپورٹ کے مطابق امریکہ میں چین کے سفیر  نے مختلف ممالک، خاص طور پر امریکہ کی جانب سے چینی مصنوعات پر عائد کیے گئے اضافی محصولات پر شدید ردعمل ظاہر کیا۔

یہ بھی پڑھیں:چین کے خلاف تجارتی جنگ میں امریکہ کو مکمل شکست

رپورٹ کے مطابق، چینی سفیر نے اپنے بیان میں کہا کہ اگر کسی بھی ملک کی طرف سے چین کے خلاف تجارتی جنگ کا آغاز کیا جاتا ہے، تو ہمارا ردعمل بھی سخت اور متناسب ہو گا،ہم عالمی تجارتی نظام کے خلاف ہونے والے ایسے اقدامات کو ہرگز قبول نہیں کریں گے۔

چینی سفیر نے زور دیا کہ بیجنگ حکومت تجارتی جنگوں اور کسٹم ڈیوٹی میں یک طرفہ اضافے کو نہ صرف عالمی تجارت کے لیے نقصان دہ سمجھتی ہے، بلکہ یہ بین الاقوامی اقتصادی انصاف کے اصولوں کی خلاف ورزی بھی ہے۔

ان کا کہنا تھا کہ ہم جنگ تجاری کے خلاف ہیں، لیکن اگر کوئی ہمیں اس میں دھکیلنے کی کوشش کرے گا، تو چین اپنی خودمختاری اور اقتصادی مفادات کا ہر قیمت پر تحفظ کرے گا۔

یہ بیان ایسے وقت پر سامنے آیا ہے جب امریکہ کے سابق صدر ڈونلڈ ٹرمپ کی انتظامیہ نے چینی مصنوعات پر بھاری درآمدی محصولات عائد کیے تھے، جس کے بعد چین اور امریکہ کے درمیان تجارتی کشیدگی میں نمایاں اضافہ ہوا۔

مزید پڑھیں:چین، ٹرمپ کے 245 فیصدی ٹیرف کے نشانے پر!

 ٹرمپ کی امریکہ فرسٹ پالیسی کے تحت کئی ممالک کو اقتصادی دباؤ کا سامنا کرنا پڑا، مگر چین نے ہر مرحلے پر جوابی اقدامات کی دھمکی دی اور بعض مواقع پر عملی اقدامات بھی کیے۔