جنوبی شام میں مسلح جھڑپیں؛ سویداء میں شہریوں میں خوف و ہراس

?️ 29 اگست 2026

سچ خبریں:جنوبی شام کے شہر سویداء میں مختلف گروہوں کے درمیان مسلح جھڑپوں کے باعث شہریوں میں خوف و ہراس پھیل گیا، جبکہ متعدد گھروں کو بھی نقصان پہنچنے کی اطلاعات ہیں۔

شامی خبر رساں ادارے الاخباریہ کے مطابق، جنوبی شام کے شہر سویداء میں مختلف گروہوں کے درمیان مسلح جھڑپوں کے باعث شہریوں میں خوف و ہراس پھیل گیا۔

رپورٹس کے مطابق ان مسلح جھڑپوں کے نتیجے میں شامی شہریوں کے گھروں کو بھی نقصان پہنچا ہے۔

ابھی تک ان جھڑپوں کی مزید تفصیلات، ممکنہ ہلاکتوں اور زخمیوں کی تعداد، نیز مسلح گروہوں کی شناخت کے بارے میں مزید معلومات سامنے نہیں آئی ہیں۔

قابل ذکر ہے کہ صوبہ سویداء جولائی ۲۰۲۵ سے مسلسل سکیورٹی کشیدگی اور مسلح جھڑپوں کا شکار رہا ہے۔